görünən bəyaz divan dəydi. Arada kimsənin xəbəri olmadan burada yata bilərdim. Dodaqaltı gülümsədim. İçimdəki sevincimi tuta bilməyib gülərək əllərimi bir-birinə vurdum. Çox xoşbəxt idim! Mütləq layihənin ən yaxşısını hazırlamalı idim...Sənan bəyin qəribə baxışlarını üzərimdə hiss edib özümü ələ aldım.

"Sənan bəy, qay-".

"Sənan bəy?" - qaşları havaya qalxmış tərzdə sual dolu baxışlarını üzümə sabitlədi. Nəsə yanlış bir söz demişdim?

"Sənan deyəcəksən. Yersiz rəsmiyyəti sevmirəm oldumu?" - deyərək göz vurdu. Bu adamın məqsədi nə idi belə? Ona cavab olaraq sadəcə başımı yuxarı-aşağı salladım. Gülümsədi və masaya yaxınlaşıb əlinə dəstəyi aldı.

"İki çay gətirin" - dəstəyi asdı və yenidən qarşıma keçdi.

"Köməklik edəcəyim belə zərif xanımı yaxından tanımaq istəyirəm" - kresloya rahat şəkildə əyləşdi. Bu işin axırı çox maraqlı idi...Mən də onun qarşısında əyləşib qaşımın birini havaya qaldıraraq söhbətə girməyini gözlədim. Elə ağzını açırdı ki, içəri əlində sini ilə sarışın xanım daxil oldu. Geyindiyi dikdabana görə sarsaq addımlarla masaya yaxınlaşmağı ilə gözüm ətəyinə sataşdı. Əgər əynindəkinə ətək demək olarsa...Uzun, sütun kimi ayaqları sanki mən burdayam, mənə baxın deyirdi. Deyəsən, evdən çıxarkən geyinməyi unutmuşdu. Çayları masaya yerləşdirib otağı sallanaraq tərk etməsi ilə gözlərimi Sənana çevirdim. Dodaqlarındakı bic gülümsəmə və istehzalı baxışları ilə qarşılaşınca sanki başımdan aşağı qaynar su tökdülər. Onu necə süzdüyümü görmüşdü. Off! Yaxşı pərt elədin özünü, Suay! Cəld masanın üzərindəki çaya uzandım.

"Neçə yaşın var?" - Sənanın sualı ilə çaşqınlıqla üzünə baxdım. Düşdüyüm vəziyyətlə bağlı məni utandıracağını düşünərkən o tam əksini etmişdi. Verdiyi sualla içimdə rahatlıq yaranarkən çayı masaya yerləşdirib üzümü ona çevirdim.

"İyirmi-iki " - deyə cavablamağımla qəhvəyi gözləri heyrətlə açıldı.

"İyirmi-iki? Əminsən?" - təəccüb dolu səslə dilləndi. Bu sual da nə idi belə? Çaşqınlıqla üzünə baxdım. Verdiyi mənasız sualı anlamış