d ol.
Gözlərindəki alov Amelini təəccübləndirdi. Çox sərt və amansız görünürdü, amma gözlərindəki ifadədə başqq anlam var idi. Lakin Ameli bunun nə olduğunu anlaya bilməmişdi...-Reynald sübhdür. Artıq yola düşmək vaxtıdır.
-Bilirəm Lorik, gəmi hazırdır? Bu qızlardan heç biri at çapa bilmir. Bizim qadınlarda olan cürət, bacarıq bu qadınlara xas deyil. Sahilə faytonla gedərlər
-Hər şey hazırdır. Bircə xanımlarımız çatışmır.
Qəflətən Amelinin qardaşları Reynalda yaxınlaşıb iri, sual dolu gözlərlə ona baxdılar.
-Cənab, izn verin biz də sizinlə gələk, bu qalada artıq heç nəyimiz yoxdur. Anamız dünyasını dəyişib, atamızdan isə xəbər yoxdur. Sizə şərəflə xidmət edərik.
Üç südəmərdə nə xeyir, nə də şər gəlməzdi. Reynald onları da özü ilə birgə aparmaq qərarına gəldi.
-Fiona Ameli hanı?
-Bilmirəm, cənab Lorik, mən onun gözətçisi deyiləm.
Bunu deyib Fiona faytona əyləşdi. Reynald qalaya dönüb qarını və ondan ayrılmaq istəməyən Amelini gördü.
-Mən Berta xalasız getməyəcəyəm, xahiş edirəm...
Reynald söz verdiyi kimi onu çiyninə atıb faytona apardı. Ameli ancaq sahilə çatdıqlarında Berta xalanın da onlarla birgə getdiyini görüb sevindi. Qəddar yoxsa rəhmli? Bunlardan hansı Reynaldın həqiqi siması idi?
Ameli ilk dəfə idi ki, gəmi ilə səyahətə çıxırdı. Soyuq idi, dalğalar gəmini bir tərəfdən digərinə yelləyirdi. Ilk bir neçə gün halı çox pis idi. Ürəyi bulanır, başı fırlanırdı. Amma bir neçə gündən sonra özünü daha yaxşı hiss etməyə başladı. Berta xala qeydinə qalırdı. Fiona onlarla söhbət etmir, adətən otağında olurdu.
Qaranlıq gecə idi, bərk yağış yağır, şimşək çaxırdı. Berta xala gəmidə ona ayrılmış yerdə yatırdı. Ameli gecə yarısı oyanıb qorxu içində ətrafa boylandı. Əynini dəyişib qapını açıb göyərtəyə getmək istəyəndə Reynald yolunu kəsdi. Əynindəkilər islanmışdı. Üstündən yağış damcıları axırdı.
-Hara belə?
-Mən səs eşitdim, Berta xala...
-Qarı yatıb, get yat. Otağından çıxma.
Bu dəfə səsi daha yumşaq idi, sözləri kinayəli deyildi.
-Səni