z deyiləm. O, isə şərəfsizin biridir.
-Deməli sizə yalnız qisas lazımdır? Bunun üçün məni burada saxlayırsınız?
-Mənə qisas lazımdır... Etiraf edirəm. Bu qisasa da nail olacam. Amma mənə daha bir şey lazımdır. Sənə söz verirəm ki, buna da nail olacam.
-Qisasdan başqa sizə nə lazım ola bilər?
Reynald gülümsəyib onun qulağına pıçıldadı:
-Sən.
-Nə? Anlamıram, siz nə demək istəyirsiz?
-Nə demək istədiyimi bilirsən. Mənə sən lazımsan.
Amelinin gözləri yaşla doldu. Reynaldın əslində heç də bu qəddar olmadığını düşünmək istəsə də, yenidən yanılmışdı. Deməli hər şey bu qədər dəhşətli imiş. Atasının amansız olduğunu bilirdi və Reynaldın yalan demədiyini də hiss edirdi. Amma onlar hər ikisi mübarizələrində qadınları istifadə edirdilər. Bu isə haqsızlıq idi. Ameli ürəyində özünə güldü... Sadəlövh Ameli birinin səni sevəcəyinə necə inana bilərdin. Bu həyatda mənim kimi qızları heç kəs sevmir. Ancaq Fiona kimi qızları hər kəs sevir... Ameli ağlamağa başlayıb üzünü divara çevirdi.
-Mən anlamıram...
Ameli qızarıb əlləri ilə üzünü örtdü.
-Mənimlə evlənəcəksən, Ameli.
-Nə??
-Mənim arvadım olacaqsan. Atanla olan qisasımızın buraya aidiyyatı yoxdur. Qadınım olmağını istəyirəm, mənim olmağını istəyirəm.
Reynald əzmlə bunları deyib, yenidən ona yaxın getdi. Gözlərinə baxıb, gülümsədi.
-Bunu sənə sual olaraq vermirəm. Bu artıq aşkar bir şeydir. Sadəcə bilməyini istəyirəm.
-Axı nə üçün mən? Mən də bu qisasın bir parçası olacağam?
-Xeyr, sən mənim olacaqsan.
Ameli bu mübarizədə əvvəlcədən məğlub idi. Ona görə də bir söz demədən pəncərəyə tərəf addımladı. Reynaldın onunla nə üçün evləndiyini bilmirdi. Amma artıq mübarizə aparmaqdan yorulmuşdu. Onun gözlərinə də baxmaq istəmirdi, çünki özünü balaca, axmaq qız kimi hiss edirdi. Ona bağlanmışdı, özü də bunun nə səbəbdən baş verdiyini bilmirdi.
-Bu ədalətsizdir, siz mənə seçim qoymursuz.
-Mənim arvadım olmaq bu qədər işgəncəlidir? Mən sənə əzab verməyəcəm.
-Amma siz mənim atamla... Mən heç nə