r nöqtəsini öpəcəm, ən kiçik hissələrini...
-Yox, yalvarıram get... Reynald xahiş edirəm, bu ədalətli deyil, sən mənim köməksiz olduğumu bilirsən. Mən körpəmi zədələmək istəmirəm, səni uzaqlaşdıra bilmirəm, sən isə bundan sui istifadə edirsən. Mənə görə bacınla mübahisə etməyini istəmədiyim üçünsə heç kəsi çağıra bilmir...- sözünü bitirməmiş Reynald onu yenidən öpüb susmağa vadar etdi.
-Hər şeyi unut, dediyim hər şeyi unut. - Reynald köynəyini çıxarıb onu öpməyə davam edirdi.- Sən mənim hər şeyimsən... Əvvəllər sahib olmadığım ürəyimsən.
-Sənə inanmıram. Sən mənimlə oynayıb bir kənara atdın, indi də...
-Sus... - Reynald çiyinlərindəki ipləri açıb, əynindəki gecəliyi çıxardı. Ameli əlləri ilə sinəsini tutub, digər əli ilə qarnını örtdü. Ayaqlarını sıxıb, ondan uzaqlaşmağa çalışdı.
-Səninlə sevişməyəcəyəm... - Reynald onu yumşaq toxunuşla geriyə çəkdi. - Uşağımıza və sənə zərər verəcək heç nə etmərəm. Sakitcə uzan Ameli...
Reynald Amelinin üzünü, sinəsini, çiyinlərini öpməyə başladı. Şişmiş qarnını, qollarını... Bədənində həqiqətən öpmədiyi yer qalmamışdı. Ameli çaşqınlıq içində idi. Bu qədər kobud və qəddar bir kişi indi ona o qədər zərif və sevgi dolu davranırdı ki... Heç nə anlamırdı. Yorğun idi. Gözlərini yumub, sakitcə uzandı. Bəlkə, bu yuxudur? Bu yuxudursa yatıb, səhər oyanmaq lazımdır... Bu fikirlərlə Ameli şirin yuxuya getdi. Reynald isə bütün gecə ona toxunur, bədəninə sığal çəkirdi...
*******
Ameli səhərlər daha sübhdən oyanmırdı. Uşaq onu daha tənbəl, yuxugözlü etmişdi. Oyanıb yanında heç kəsi görmədi. Gecə olanları xatırlayıb yorğanın altına baxdı. Gecəliyi də əynində idi. Bu qədər real yuxu ola bilərdimi?
-Aman Allah... Bu axı nə idi?
Geyinib, otaqdan çıxdı. Aşağı düşün Eylanın yanına getmək istəyirdi ki, qonaq otağından səslər eşidildi.
-Reynald bir daha onun xətrinə dəydiyini eşitsəm... - Eyla Amelini gördüyündə duruxdu.- Ameli bacım...
-Bu yuxu deyilmiş...- Ameli qızarıb gözlərini onlardan çəkdi. Gecə Reynaldın onunla etdiklərini