qapılıb, yerə çökən Cannur xanıma, qolundan qan axan Behbuda, onun sinəsinə huşsuz şəkildə sərilən Dilaya, mətbəxə çiliklənərək səpələnmiş şüşə qırıntılarına diqqətini verərək, beyinindəki qarışıqlıqları yox etməyə çalışdı. Kəsilmiş silah səsləri ilə: "Kömək edin. Dilay heç yaxşı deyil. Huşu gedib" - Behbud zorluqla danışdı.
Cannur xanım ayaqları üzərində sürünüb, onlara yaxınlaşaraq Dilayı qaldırmağa güc göstərdi. Miray Cannur xanımın bacarmadığını görərək ayılaraq, bir-iki addım irəliləyib dizlərinin üstünə çökərək Cannur xanıma yardım etdi.
Zaldan gələn bir neçə ayaq səsləri ilə içəri Lalə, Mələk və dörd-beş qoruma daxil oldu. Lalə Behbudu görərək: "İihhhhh....oğluuummmm..." - deyərək, əlini alınına atıb, Mələkdən dəstək aldı. Behbud bir əli ilə divardan tutunaraq: "Ana, yaxşıyam" - deyib, ayağa qalxdı.
Həşim bəy qorumalara baxıb: "Təcili xəstəxanaya aparmağa yardım edin! Hər yerə diqqətlə fikir verin!" - deyərək, qorumalara göstərişlərini verdi.
***
Ayşulə otağından çıxıb, kefsiz və ağrılı halı ilə pilləkənlərdən təmkinli addımlarla endi. İlk gözünə süfrədə əyləşərək fikirli görünən Xəzər dəydi. Dünən çıxardığı 'həngamə'dən sonra evə gəlmişdilər. Nə Xəzər bir açıqlama etmək məsuliyyəti hiss etmişdi, nə də ki çox danışan Ayşulə xarakterinə zidd olaraq susqunluğunu seçərək yaşadığı acını gizlətmişdi. Artıq Xəzərin Dilayı sevdiyi qənaətinə varmış və yığıncaqdakı Xəzərin Dilaya olan baxışlarının səbəbini anlamışdı. Özünü günahlandırırdı, 'necə olar axı, əvvəlcədən tanış olma ehtimalını göz önünə gətirməmişəm' içindən keçirərək, deyinirdi. Süfrəyə yaxınlaşıb əyləşmək istədikdə atasının: "Dəfinə, o televizorun səsini bir az artır!" - deməsi ilə diqqətini ekrana verdi. Dəfinənin səsi artırması ilə həm eşitdiyi sözlərə, həm də gördüklərinə yerindəcə donub qaldı.
Xəzər xəbər aparan xanımdan: "Ölkənin məşhur, sayılıb-seçilən ailələrindən olan Poladovlar ailəsində bədbəxt hadisə baş verib. Dünən gecə 01:05 radələrində Poladovlar malikanəsinə silahlı hücum