'iz'ə dodaqlarını sürtüb, atan nəbzinin üzərində öpüşünü basdırdı. Miray bu son toxunuşla özünü bir tük qədər xəfif hiss edib, başını geriyə doğru atdı. Neman başını qaldıraraq Mirayın görüntüsünə baxıb gülümsəyərək gözlərini açmasını gözlədi.
Miray boyun hissəsində duyduğu boşluğa üzülsə də, gözlərini açıb ona gülümsəyərək baxan Nemanı gördükdə yanaqlarına hücum edən qanla qıpqırmızı olan sifəti ilə baxışlarını qaçırdı. Ardından Nemana baxdıqda: "Mənim heç nə, heç kim vecimə deyil. Nə şirkət, nə manelər, nə pul, nə rəqabət. Səni istəyirəm mən" - sözlərini oxuması ilə çətinliklə də olsa nəfəsini verdi. Özünündə anlamadığı bir çəkişmə ilə Nemana olan bağlılığını hiss etdi və başını tərpədərək təsdiqləyib, onun sinəsindəki evinə çəkildi. Neman isə Mirayı öz ağuşunda qollayıb: "Sənin danışman üçün əlimdən nə gəlirsə edəcəm. Səsini eşitmək üçün hər şeyi edəcəm" - saçlarını oxşayaraq Mirayın eşitmədiyi sözləri dodaqlarının arasından töküb, saçının telinə öpüş qondurdu...
***
Xəzər güclə də olsa tibb bacısını razı salmış və Dilayın yatdığı otağa daxil olma icazəsini almışdı. Qapını açıb içəri daxil olduqda burununa dolan kəskin dərman qoxuları ilə gözlərini qısdı. İçəri daxil olub, qapını örtərək aparatlara qoşulu olaraq nəfəs alan və sinə hissəsi sarğı ilə qaplanmış Dilaya üzüntülü gözlərlə süzdü. Yanına yaxınlaşıb, çarpayısının yanındakı oturacaqda əyləşərək, dirsəklərini dizinə dayayıb, əlinin birini yumruq edib, digərini onun üzərinə yorğan kimi sərdi. Dilayın gözlərinin altının qaralmış və halqa etmiş hissəsinə baxıb: "O gözəl dəniz mavilərinə bu halqalar heç yaraşmır. Sanki, sarı saçlarında cansızlaşıb. O ağızına taxılan qurğu dodaqlarının qırmızılığını çəkib ağardıb. Ancaq nə olsun? Nə olsun ki, belə bu vəziyyətdəsən? Yenə də gözəlsən. Yenə də heyran edicisən. Sənlə heç vaxt bir yerdə ola bilmərik. Çünki, çox acılar yaşatmışam sənə. Səni görəndə o qədər gözəl olursan ki... Vecsiz vəziyyətinə damarlarımdakı əsəb fışqırır və səni incidirəm. Bilmirəm sənə qarşı