n həyətə girişi olan dəmir qapısını açıb, cığırla irəlilədi. Beyinində Miraylı düşüncələrlə evin qapısının kilidinə açarı yerləşdirərək açıb içəri daxil oldu. Açarı qapının kənarındakı asılqan olan rəfə atıb, mətbəxə doğru irəlilədi. Soyuducudan sərinləşdirici içkisini götürüb, qapağını açaraq birbaşa başına çəkdi. Qapı zənginin çıxardığı ahəngdar səs ilə birisini gözləmədiyindən qaşlarını çatdı. Əlindəki şüşə qabı dəzgaha qoyaraq qapıya doğru irəlilədi. Həyətin kamerasından gördüyü və xatırladığı sima ilə dodağının altında bir neçə mırıltılar çıxarıb qapını açaraq, cığırla gedərək səsli şəkildə dəmir qapının cəftəsini açdı. Ardından: "Əfşan!" - bir mənalı tərzdə kinayə ilə xitab etdi.
Əfşan dodaqlarını bir cizgi halına gətirib: "Salam, Neman" - xəcalət çəkərək baxışlarını yerə dikdi.
Neman vecsizcə: "Nə deyəcəksənsə tez de və çıx get!" - kobudluqla dilləndi.
Əfşan dodaqlarını isladıb: "Danışmalıyıq və danışdıqlarımız aramızda qalmalıdır" -deyərək, Nemana güvənlə baxdı.
Neman qaşlarını yay kimi qaldırıb: "Nəzrin haqqındadırsa, boşuna zəhmət çəkmə!" - deyib arxasına dönərkən qarşısına sürətlə keçən Əfşanla yerində dayandı. Əfşanın: "Məni dinləməlisən. Nəzrini boşuna günahkar çıxarıblar. Düzdü səhvləri var, ancaq onu dinləməlisən. Heç də yaxşı şeylər yaşamayıb. Qarşına çıxmağa cəsarəti yoxdur!" - bir nəfəsə dediyi sözlərdən sonra Neman qəzəblənərək: "Məni ən yaxın işçimlə aldadan bir qızı müdafiə edəcək qədər düşmə, Əfşan!! Anladıq rəfiqəndir! Ancaq bari sənə qoyulan hörmət səddini keçmə!" - deyərək kənara çəkilib keçmək istəsə də, Əfşanın qarşısını yenidən kəsməsi ilə: "Mənə Nəzrin maraqsızdır!!!" - yumruğunu sıxaraq qışqırdı.
Əfşan gözlərini qırpışdırıb: "Bəs atanın - mələk simasına girmiş atanın, o məşhur Xaliq Alıyevin etdikləri də mi maraqsızdır???!!!" - udqunub, çətinliklə də olsa söylədi.
Neman atasının adının hallanması ilə: "Nə deməyə çalışırsan?!! Açıq de!" - çaşqınlıq qırıntıları sezilən səsi ilə soruşdu.
Əfşan başını inkar edircəsinə tərpədib: "Bu