a eşitdiyi tanış çığırtılarla həndəvərinə göz gəzdirdi. Öz üzərinə - əyininə boşluq kimi duran ağ geyimə baxıb kənarda üzəri qanlı olan Mirayın 8 yaşlı görüntüsünə təəccüblə baxdı. Özünün böyüdüyü indiki halına qarşı Mirayın balacalığını görüb bədənindəki hiss zərrəcikləri dik dayandı. Ayağa qalxıb sarsaq yeriyişlərlə o tərəfə getmək istəsə də, qarşısına çıxan Xəzərin görüntüsü ilə başını əllərinin arasına alıb inkar edircəsinə tərpətdi. Onun gülüşünü görüb göz yaşlarının sırasını pozaraq səliqəsizcə axıtdı. Yerə çöküb: "Kömək edin!!!" - deyə bağırsa da, səsinin çıxmadığını hiss etdi. Başını qaldırıb yuxarıdan gələn ağartının get-gedə tutqunlaşmasını nəfəsi darlaşaraq izlədi. Əllərini yuxarı qaldırıb bir yerə tutunmaq istəsə də, ətrafa çökən qaranlıqla qarşısında öz əksi olan sinəsindən qan axan Dilay gördü. Öz əksindəki sinəsindən axan qanın çoxalması ilə divara bütünləşməsi bir göz qırpımında oldu. Ətrafda özündən başqa heç nə hiss etməyərək, ayağına yapışan bağlarla torpağa doğru çəkildiyini anlayıb, ayaqlarını çəkişdirmək istəsə də daha da dərinliyə qərq olub, çığırtılarını içində saxlayaraq, torpağın altına həbs etdi...
***
Miray yuxusuz gözlərini dikdiyi aparat qurğusundakı qırıq-qırıq xətlərin düz xətlərə çevrilməsinə və kənarda yazılan ürək döyüntülərinin sayının aşağı doğru düşməsi ilə qorxaraq əllərini şüşəyə yerləşdirib vurmağa başladı. Əllərini daha da sərt şəkildə şüşə pəncərəyə çırpıb, gözlərindən biixtiyar yaşları sərbəst buraxdı.
Cannur xanım başını dizlərindən qaldıraraq Mirayın çabalarına baxıb irəli doğru atılaraq Mirayın ağlayaraq baxdığı yerə gözlərini tuşlayıb donaraq qaldı. Aparat qurğusunun işləmədiyini görüb, əllərini üzünə aparıb, qollarını havada yelləyib: "Kömək edin!!! Kömək edin!!!" - deyə çığırmağa başladı. Otağa daxil olmaq istədikdə kənara doğru çəkilib: "Xanım, sakit olun. İçəri olmaz" - deyən səsə doğru çevrilib, qapını açaraq içəri daxil olan iki-üç ağ xalatlı həkimlərə və iki tibb bacısına yalvarırcasına baxdı.
Bir həkimin