İslam tarixində bu ləqəbin daha çox iki nəfərə məxsus olduğu deyilir. Daha doğrusu müsəlmanların bəzisi iddia edir ki, bu ləqəb Əbu Bəkrə məxsusdur. Şiələr isə belə etiqaddadırlar ki, bu ləqəb İmam Əliyə (ə) verilmişdir.
Əhli sünnənin özündə etibarlı bilinən mənbələrdə bu barədə bəzi rəvayətlər mövcuddur. Bu rəvayətlərdən biri əhli sünnə alimi olan İbn Macə Qəzvininin “sünən” adlı kitabında gəlmişdir. İbn Macənin “Sünən” kitabı əhli sünnənin “Kutubi sittə” adlandırdığı və səhih bildiyi altı kitabdan biridir.Rəvayətdə deyilir:“Əbbad ibn Abdullah dedi: Əli (ə) dedi: Mən Allahın qulu, rəsulunun (s) qardaşıyam. Və mən “Əs Siddiq Əl Əkbər”əm. Yalançıdan başqa bunu məndən sonra kimsə dilə gətirməz. İnsanlardan yeddi il öncə namaz qılmışam.”
( İbn Macənin “Sünən”i, c. 1, səh. 44. “əl Bidayə vən Nihayə”, c. 3, səh. 36, Hakim Nişapurinin “Mustədrək” əsəri, c. 3, səh. 12, Təbəri tarixi, c. 2, səh. 56, İbn Əsirin “əl Kamil” əsəri, c. 2, səh. 57, Nəsainin “Xəsais” əsəri, səh. 46, “Təzkirətul Xəvas İbn Covzi səh. 108.)
Və İbn Macənin “Sünən” əsərinin təhqiqatçısı Busiri əlavələrində yazır: “Bu səhih isnaddır və rəvayət edənləri etimad ediləsidir. Hakim Nişapuridə bunu rəvayət edib demişdir ki, şeyxeynə görə səhihdir.” Əhli sünnə mənbələrində “Şeyxeyndən” məqsəd Buxari və Müslimdir.
Digər əhli-sünnə mənbəsi İbn Quteybə özünün “Məarif” əsərində yazır: “Abdullah qızı Məazədən nəql olunub ki, dedi: Bəsrə minbərində Əli ibn Əbu Talibdən (ə) eşitdim ki, dedi: Mən “Əs-Siddiq Əl-Əkbər”əm, Əbu Bəkrdən əvvəl iman gətirdim və Əbubəkrdən əvvəl İslama daxil oldum.”Təbii ki, İmam Əli (ə) İslam dini zühur etməzdən öncə də təkallahlı idi. İmam (ə) bildirmək istəyir ki, islam dini aşkar olan vaxtda da mən Əbubəkrdən əvvəl İslama tabe oldum.
( “Məarif”, səh. 169, “Təhzibul-Kamal”, səh. c. 12, səh. 18, 19, “əl Bidayə vən Nihayə”, c. 7 səh. 370.)
Allah Rəsulunun (s) belə buyurduğu nəql olunur: “Siddiqlər üç nəfərdir: Həbib Nəccar Ali Yasin mömini, Həzqil Ali Firon mömini və Əli ibn Əbu