BUGÜN YENİ HEKAYƏLƏR GÜNÜDÜ BAŞLAYIRIQ İLK HEKAYƏDƏN.UĞURLAR YAZARA.
YA ALLAH BAŞLADIQ.
AĞLASIĞMAZ CİNAYƏT
Hekayə mənim "Soyuq İntiqam" əsərimin davamıdır.hadisələr İstanbulda baş verir. Hər şey lunatik Oktay Aktaşın öldürülməsi ilə başlayır, onun ölümündən əvvəl yazdığı məktubda Soyuq İntiqam əsərinin baş qəhrəmanı inspektor Atəşin dayısının- Yalçın Əfəndiyevin adının yazılması Atəşi İstanbula gətirir.
Türkiyə.İstanbul.2016-cı il 14 avqust. Aktaş ailəsi həmişə olduğundan daha gərgin görünür,çünki ailənin ən yaşlı üzvü Oktay bəy gecə 11- i keçməsinə baxmayaraq hələ evə gəlib çıxmamışdı. Bu əslində normal görünə bilər,amma bu heç də belə deyil. Oktay bəy 74 yaşında qoca bir pensioner idi, artıq 10 ilə yaxın idi ki,demək olar saat axşam 9-dan sonra onu oyaq görmək mümkün olmazdı.Polisə xəbər versələr də hələ ki 24 saat vaxt keçmədiyinə görə araşdırma aparılmamışdı.
Bəs bu Oktay Aktaş kimdi? Cavanlığında güclü qumarbaz olub,hətta o dərəcədə ki,şəhərin ən güclü qumarbazları belə onunla oyun oynamaqdan çəkinərdilər. Atasından qalan mirası qazandığı "haram" pulla o qədər artırmışdı ki,"yer altında" nə qədər qumarxana vardısa öz adına keçirmişdi,aylı
q gəliri isə haradasa türk lirası ilə desək, 2,5 milyon liranı ötürdü,bəlkə də daha çox.Şebnem adlı bir gözəl xanımla ailə həyatı qurmuşdu,ancaq indi ona ancaq 4 nəvəsi qalıb:Açelya,Deniz,Selin və Fatma. Şebnem xanım və oğlu Hakan bəy xərçəng(kanser) xəstəliyindən həyatlarını itirmişdilər. İndi bu zəngin qumarbazın 4 qız nəvəsindən başqa heç kimi yox idi...
Açelya:- Mən artıq nigaran qalmışam,çıxaq şəhəri gəzək, babamızın başına nəsə gəlib.
Deniz:- Bəlkə əvvəlki vərdişinə geri qayıdıb? 74 yaşlı bir kişi qumarda əvvəlki kimi güclü olmayacaq ki.
- Sən ki babanın getdiyi yolu əla bilirsən Deniz,Allah bilir ki,ondan daha yaxşı qumar oynayırsan. Məncə onun harada olduğunu biləcək tək adam var,o da sənsən.
- Hə,mən yaxşı qumarbazam,amma ekstrasens deyiləm. Bəlkə də o indi yuxuda ruhlarla söhbət edir,mən haradan