salamladı.Fincanına çay süzərkən,yenidən yerinə keçib,əlinə cörəyini aldı.Süfrədəki çiyələk ceminə iştahla baxıb,çörəyinin üstünə sürdü.Bu,heç vaxt yox deməyəcəyi yeganə şey idi!Ağzındakı çörəyi çeynəyib,udduğunda üzündəki təbəssümü pozmadan,Nərgizə çevirdi baxışlarını.
-Bu arada,təbrik edirəm.
Çay fincanı təəccübdən əlində donub qalan sarışın qıza baxıb,gülümsəyərək əlavə etdi.
-Yəni...sizi.
Qız çaşqınlıqla onun nədən bəhs etdiyini anlamadan üzünə baxdığında,Leyla,gözlərini Ceyhunun və Nərgizin üstündə gəzdirib,gülümsəməyə davam etdi.Hər kəs diqqətlə Leylaya baxırdı o an.
-Hamilə olduğunu eşitdim.Yəni televizorlar sağolsun.Eşitməyən qalmayıb yəqin.
Üzündən bir kədər gəlib keçərkən,boğazını təmizləyib,qəlbdən,əlavə etdi.
-Sağ-salamat gəlsin dünyaya.
Səlim dodağını dişləyib,başını kədərlə aşağı saldı.Leylanın,masanın altından baldırını sıxan əlini,Martin heç kimə bildirmədən,ovucuna alıb,sıxdığında,reflekslə dönüb,ona baxdı.Martin isə şən halda gülümsəyib,qızın davam etməsinə icazə vermədən,özü davam etdi.
-Mən bilmirdim.Təbriklər.
Zərif,gözləri bərəlmiş halda,baş verənləri həzm etməyə çalışırdı.Xəfif bir külək əsdi o an.Leylanın açıq qalmış qısa saçları havalanaraq üzünü bağladığında,bir əlində çörək olduğundan və digəri Martinin ovucunda olduğundan üzünü buruşdurub,başını yellədi.Martin qızın bu halına bir qədər yüksək səslə gülərək,əlini uzadıb,qızın saçlarını onun üzündən çəkdi.
-Əvvəllər də saçlarını külək üzünə vuranda üzünü bax belə buruşdururdun Lili.
-Leyla!
-Çt…Lili.
Leyla birdən Martinin bu inadkar halına gülməyə başladığında hər kəsin diqqətinin onda olduğunu da bilmirdilər.
Bir qədər sonra Zərif həvəslə,onları atların olduöu naxıra apardı.Öz atının yanına gəldiyində qapqara atın başını sevgi ilə oxşadı.
-Mənim gözəlim xəstələnib?Ey...mənə elə baxma.Amma deyəsən sağalmısan hə dostum?Düzün de.Mənimçün darıxdığından nazlanırdın sən?
Səlim qollarını sinəsində çarpazlayıb,kənardan Zərifin atı ilə danışmasına üzündə qəribə bir təbəssümlə