tapmağınızı istəyirəm.Yox əgər siz bu işdə aciz olduğunuzu deyirsinizsə,bunun üçün başqalarını görəvləndirərəm!
Dəyirmi masa ətrafında əyləşmiş digər işçilərindən bir qədər cavan olan sarışın gənc oğlan dilləndi.
-Leyla xanım,düşünürəmki,kömək göstərdiyi yardım dərnəklərinə baş vursaq bəlkə oradan bir məlumat əldə edə bilərik.
Hirslə gözlərini süzdürdü.
-Hah...başa düşmürəm.Nədir bu adam mafiyoz?Gizli işlərdə işləyən əsgər?Özünü çoxmu dəyərli hesab edir?Bir iş adamı üçün yaman çox gizlənir.
-Sadəcə olaraq gördüyü işlərlə gündəmə gəlməyi sevməyən sadə birisidir.
Səməd bəyin tanımadığı birini bu cür qorumasına qarşılıq olaraq Leyla şübhəylə qaşının birini yuxarı qaldırdı.
-Niyə mənə elə gəlir ki,siz o adamı tanıyırsınız?
Səməd bəy ifadəsiz gözlərlə ona baxdığında Leyla kiçik əl çantasını əlinə almışdı.
-Əli Vahabzadəni mənə tapın!
Əlini qapının dəstəyinə atdığında geri dönüb ona zillənmiş baxışlara baxdı.Gülümsəyərək əlavə etdi.
-Təbii ki,əminəm ki,maaşının tam beş dəfə qalxmasını istəyən hər kəs bunun üçün səy göstərəcək.Mənə lazım olanı içinizdən hansınız versə,tam beş dəfə artıq maaş alacaq.
Otaqdan çıxdığında üzündə şeytani bir təbəssüm var idi.Ancaq qanı qaralmışdı.Tam bir il bundan öncə də o adam haqqında araşdırma aparılmışdı.Nəticə böyük bir heç idi.Haqqında bir-iki xırda önəmsiz məlumatdan başqa heç nə yox idi.
y y y y y
Olduqca böyük,zövqlə döşənmiş şirkət otağının qapısı döyülmədən açılanda gülümsəyərək gələn adama baxdı.Yerindən qalxıb onunla görüşdüyündə qarşısındakı adamın narazı üz ifadəsinə qarşılıq yenə də gülümsədi.
-Səhv edirsən və təcili ağlını başına yığmağında fayda var!O qız yenə səni öz təsiri altına salıb!
Dərindən nəfəs alıb oturacağına əyləşdiyində heç nə demədən iki çay sifariş verdi.
-O mənə heç nə etməyib.
-Dostum?Hardadır mənim gecələrin şəhzadəsi olan yaraşıqlı dostum?Saçlarını da kəsdirmisənsə deməli səni mütləq həkimə göstərmək lazımdır!
-Səlim!
-Düzü həqiqətən də bir il öncəsinə qayıtmaq istəyərdim.Ən əsası isə