ə doğru üzüb artıq bütün baxışların üzərində olduğu gerçəyi ilə üz-üzə qalıb,sözün əsl mənasında suyu süzülə-süzülə hovuzdan çıxıb hirslə ordan uzaqlaşdığında,Leyla çoxdan ayağa qalxmışdı.Üzünü yana tutub Səbinəyə baxdığında içində saxlamaq olduğu qəhqəhəsini sərbəst buraxdı.Səbinənin də gülüşü ona qoşularkən etdiyi hərəkətə dodaqlarını dişləyib şıltaqlıqla çiyinlərini çəkdi.
Səlimin kənara çəkilməsiylə sözləri boğazında düyümlənib qalarkən,möhtəşəm gülüşü,uzun saçları,qısa olmayan ağ paltarı və o iri gözləri ilə ətrafa işıq saçan birini gördü Ceyhun.O an başa düşdüki,bayaqdan dediklərinin hamısı əslində həqiqətən də boş fikirlərdir.Gözlərini qızın zərif gözəlliyindən ayırmadan özünə biixtiyar olaraq pıçıldadı.
-Mənim olacaqsan gecə gözlü…!
Sonra qız dizlərini bükərək yerə əyildi və hovuza tulladığı adama nə isə dedi.Ömründə o cür səmimi,mülayim və eyni zamanda vəhşi kimi baxan ikinci bir göz görməmişdi sanki.Bunu necə edə bilmişdi?Necə bütün hisslərini alt-üst etməyi bacarmışdı axı bu hələdə uşaqlar kimi gülən gözəl?Nağıllardakı əvəzsiz gözəllikdəki şəhzadələrə bənzətdi onu.Elə sehrlənmiş kimi də astaca yerindən doğrulmasını,rəfiqəsinə baxıb qəhqəhə çəkməsini,dodaqlarını dişlərinin arasına almasını və şıltaq uşaqlar kimi çiyinlərini çəkməsini izlədi.Nə etsədə,fikrini yayındırmağa çalışsa belə gözlərini ondan ayıra bilmirdi.Uzun saçları kürəyində dalğa kimi dalğalanarkən boyunun uzunluğu da ortaya çıxmışdı.Anidən özü kimi məkandakı başqa gənclərində heyranlıq dolu baxışlarının onun üstündə cəmləndiyini görüb özündən asılı olmadan hirsləndi.Bu haqsızlıq idi!Bu qədər adi geyimin içində olmaq,üzündə heç makiaj belə olmadan cazibədar görünmək tam tamına böyük bir haqsızlıq idi!
Otuz yaşı var idi.Bu yaşına kimi başına gəlməyən işin qalmamasına baxmayaraq heç vaxt öz istəyindən əl çəkməmişdi.Sırf öz gücü,inancı və savadı naminə qazandığı uğurlar onun adlı sanlı bir iş adamı olmasına gətirib çıxarmışdı.Ancaq tək şey var idiki,anası ilə atasının uğursuz olan