ciddi-cəhdlə gizlətməyə çalışırdı.
İçəndə çox danışırdı və tez-tez gözlərində yaş parıldayırdı.
Lənətə gəlsin, deyəsən gözləri çox xoşuma gəlmişdi...
Kədərli, üzüntülü, illərin yorğununu xatırladan, hər
şeydən bezgin adam idi, ya da mənə belə gəlirdi. Amma inanın,
gözləri çox gözəldi...Qalın şüşəli eynəyinin altından
qəhvəyi gözləri uşaq məsumluğu ilə elə parıldayırdı ki, onlara
bir neçə saniyədən artıq baxa bilmirdim.
72
73
Arağı su kimi içirdi və qətiyyən üz-gözünü turşutmurdu.
İçkiyə yenicə başlayan ərimlə müqayisədə, gec səxoş
olurdu. Ərim işinin xarakterinə uyğun olmayacaq dərəcədə
zərifdi. Üstəlik sısqa və çəlimsiz görkəmi ilə onun yanında
çox solğun görünürdü. İçkiyə dözümlülüyü yox idi. İkinci
qədəhdən sonra başını stola qoyub yatırdı. Ancaq Nicat baş-
qa idi. Araq, viski, çaxır... Onun üçün bütün bu içkiləri iç-
mək adi meyvə kokteylini içmək kimi asandı. Sərxoş olanda
isə daha çox siqaret çəkər, bəzən səbəbsiz yerə ağlayardı.
Ağlayanda uşaqlaşırdı. Düzünü deyim ki, ağlamağı, özünü
gücsüz, zavallı, bacarıqsız aparmağı xoşuma gəlmirdi. Mətbuatda
sərt və kəskin tənqidi yazıları çap olunurdu. Onun
necə xarakterə malik olduğunu sən də bilirsən.
O da bizim oturub-durduğumuz etirazçı gənclərə qo-
şulmuşdu, təşkilatımızın üzvü idi. Onlar inqilab edə-
cəklərinə səmimi qəlbdən inanırdılar. Təşkilatın əsas üzvləri
oxumuş, həyatdan nə istədiklərini müəyyənləşdirmiş insanlar
olsa da, arada valideynlərindən küsmüşlər də aramıza
qatılırdı. Həyatda özünü tapmamış yeniyetmələr, özünü təsdiq
üçün əldən-ayaqdan gedən gənclər də sıralarımıza yol
tapırdı. Bütün bunları o da tənqid edir, amma onlardan
uzaqlaşmırdı.
Bəzilərini ancaq bakirə olmayan qızlar, içki və əyləncə
maraqlandırırdı. Çoxları “azad seks”, “seksual inqilab”
barədə danışanlara istehza edir, bu barədə danışanları
əxlaqsız və mənəviyyatsız hesab edirdi. Nicat danışanda mə-
ni gülmək tuturdu. Çünki hiss edirdim ki, onu da daha çox
azad qadınlar, içki düşkünü gənclər