sevişmək istəsə də, alınmamışdı.
Çünki, Nicatın Gülxardan qətiyyən xoşu gəlmirdi.
Hikmətin – mənim gicbəsər ərimin isə Gülxarın yekə götü
üçün ürəyi gedirdi. Dəfələrlə görmüşdüm ki, rəqs edəndə
qəsdən onun yekə dalına, yoğun budlarına toxunur.
Düzü Hikmətə əsəbiləşmirdim. Atası Sovet vaxtı, Əfqanıstan
müharibəsində həlak olmuşdu. Anası isə onu atıb
getmişdi. O uşaq evində böyümüşdü. Nə uşaqlığını, nə də
gəncliyini yaşaya bilmişdi. Kasıbçılıq, ehtiyac, aclıq ona
gənclərə qarışmağa, ürəyi istədiyi həyatı yaşamağa mane olmuşdu.
Amma Gülxarın dalından kiçik olsa da, mənim də
78
dalım balaca deyildi. Hətta Gülxardan daha çox diqqət çəkirdim.

...Adama deyərlər heç dəxli var? Orxan kimi ciddi personajın
oturub Könülün gic-gic söhbətlərinə qulaq asması adamı lap
özündən çıxarır. Biz obrazlar arası göt yarışı keçiririk bəyəm? Amma
neyniyəsən? Dözmək lazımdı...
Hikmətlə əmlak bürolarının birində tanış olmuşduq. O zaman
Hikmət sakitliyi və çalışqanlığı ilə fərqlənirdi. Mən isə
birinci ərimdən yenicə boşanmışdım. Ailəmin qadağalarına
baxmayaraq Hikmətin çalışdığı büroda işə düzəlmişdim.”
Könül danışdıqca əlləri əsir, səsi titrəyirdi. Orxan
onun həyəcanını başa düşürdü. Könül növbəti siqareti yandırmaq
istəyəndə Orxan mane oldu:
– Yaman çox çəkirsən, ziyandı. Əgər sənin üçün çətindirsə,
danışma.
– Narahat olma, artıq içki və siqaret mənim peşəmə aiddi-,
Könül zorla gülümsəməyə çalışdı-Hər halda, fahişələrə yazığı
gələn kişilərdən deyilsən.
– Sən mənim üçün qiymətlisən, Könül. Mən həkim-psixiatr,
sən isə mənim dünyasını dəyişmiş dostumun keçmiş sevgilisisən.
Fahişəlik sonrakı məsələdi. Bu barədə danışmağın, fahişəliyini
xatırlatmağın vacib deyil.
Könül qəribə şəkildə əlini yellədi. Yuxusuz gözlərini
yumub, başını arxaya atdı. Bir neçə dəqiqə susdu. Onun susqunluğu
otaqda dərin və üzücü sükut yaratdı. Ofisiant qız
qapını döydü. Orxan onu içəri çağırdı:
– Mənim üçün ağ şərab, xanım üçün pivə.
79
Ofisiant əlavə sual vermədən otaqdan çıxdı.