n dünyanın ən gözəl nemətindən, qadın bədəninə toxunmaqdan
və qadınla sevişmək həzzindən məhrum olan ərimə
acıyırdım. Onda hələ anlamırdım ki, onun üçün qadın bədə-
nindənsə, kişi bədəni daha maraqlıdı...
… Deyəsən evliliyimizin ikinci ayı idi. Elvin sevgilisi
ilə görüşdən gəlib, sakitcə yataq otağına keçmiş, pəncərəni
açıb siqaret çəkirdi. Qəribədir, o həmişə az nikotinli, qadın
85
üçün nəzərdə tutulmuş siqaretlərdən çəkərdi. Ona görə də
evdən heç vaxt siqaret qoxusu gəlməzdi və mən ona evdə siqaret
çəkdiyi üçün əsəbiləşməzdim. Yeməyinə xüsusi diqqət
edər, dieta saxlayardı.
Onun arxasınca yataq otağına keçib, çarpayının üstündə
oturdum. Reaksiya vermədi. Həyəcanlı görünürdü.
Sakitcə çağırıb danışmaq istədiyimi bildirdim.
Əvvəlcə etiraz etdi. İsrar etdim ki, çox vacibdir və
mən səni çox gözəl başa düşürəm. Amma istərdim ki, sən də
məni başa düşəsən. Artıq iki aydır evliyik, ancaq sən mənə
toxunmamısan. Bilirsən, yaşım az olsa da, bakirə qız kimi
yaşamaq istəmirəm. Bu məni narahat edir.
Elvin təəccüblə mənə tərəf çevrildi:
– Bəyəm sən bakirəsən?
Onun bu davranışı məni lap özümdən çıxardı:
– Sən necə bilirdin? Axı mənim həyatımda səndən başqa kişi
olmayıb. Ailəmin mühafizəkarlığını yaxşı bilirsən
Elvin suya düşmüş küçük kimi zingildədi:
– Hmm...Mən...mən...
Aciz-aciz mızıldanmağı heç xoşuma gəlməsə də, ona
təskinlik verməyə çalışdım.
– Bilirəm bacarmırsan. Heç olmazsa həkimə gedək. Bakirə
qız kimi yaşamaq istəmirəm.
– Könül...
– Elvin, xahiş edirəm məni başa düş. Axı, bilirsən ki, bu və-
ziyyətdə özümü təhqir olunmuş hesab edirəm. Nə vaxta qə-
dər belə davam edəcək?
– Başa düşürəm. Sən məni başa düşdüyün, anladığın kimi
mən də səni başa düşürəm. Mənə elə gəlir ki, sən də həyatını
yaşamalısan. Sənin də normal seks həyatın olmalıdı.
86
…Yox, Tanrıya şükürlər olsun ki, çox qorxduğum şeyi
demədi. Əgər “ayrılaq” desəydi məhv olardım. Amma demədi.
O başa düşür ki, ondan ayrılsam vəziyyətim çox çətin
olacaq. Onsuz da bu barədə ona