danışmışam. O bilir ki, ailə-
min yanına qayıtmaq istəmirəm. Başa düşdüyünə görə susdum.
Sakitcə gəlib yanımda oturdu və boynumu qucaqladı.
Saçlarımdan öpdü. Xoşlandığım, görüşmək istədiyim birinin
olub-olmaması ilə maraqlandı.
Başa saldım ki, heç kəsdən xoşlanmıram, sadəcə ehtiraslıyam,
bütün normal istəklər kimi seks mənim üçün də
maraqlıdı. Qadın olaraq o hissləri yaşamaq istədiyimi dedim.
Elvin çarpayının bir küncünə çəkildi. Baxışlarını yerə
dikib, utancaq qız uşaqları kimi mızıldandı. Heç vaxt ağlıma
gəlməyəcək bir təklif etdi.
– Könül, bilirsən səni bu iyrənc həyatla baş-başa qoyub qaça
bilmərəm. Birlikdə yaşamağımız düzgün olmasa da, ayrılmağımız
da yaxşı düşməz. Əgər qəbul eləsən öz sevgilimi –
Akifi səninlə bölüşə bilərəm. Bölüşmək deyəndə ağlına baş-
qa şey gəlməsin. Yəni biləsən ki, Akif biseksualdır və yataqda
ikimizi də razı sala bilər. Ümid edirəm xoşuna gələcək.
Mən isə nə səni, nə də onu qısqanıram.
Bir anlıq nəfəsim kəsildi. Mənə elə gəldi ki, yataq ota-
ğı başıma uçdu. Dəli kimi çığırıb Elvinin üstünə atıldım.
Onu var gücümlə vurur, vurduqca çığırır, çığırdıqca sakitləşirdim.
O özünü müdafiə etmir, sakit-sakit ağlayırdı. Qəfildən
onun yaş dolu gözləri məni tamam sakitləşdirdi. Əllə-
rim yanıma düşdü. Kənara çəkilib çarpayıdan düşdüm və
hamama keçdim. Kranı açıb üzümə soyuq su çırpdım. Güzgüdə
gözlərimə baxanda dəhşətə gəldim. Olduqca qorxunc
və qəzəbli görünürdüm. Sakitləşmək lazım idi. İndi ağlama-
ğa, saatlarla dayanmadan ağlamağa ehtiyacım vardı...
87
… Bir gün Akifi evimizə dəvət etmək istədiyini dedi.
Daha doğrusu fikrini qətiləşdirib mənə də məlumat verdi.
Əvvəlcə ağladım, gic-gic hərəkətlər elədim. Qab-qacağı qırmağa
başladım. Elvin olduqca sakit bir tərzdə dedi ki, “əgər
sənə xoş deyilsə, ayrıla bilərik.” Deyəsən bu ikili həyatdan,
öz istəklərini gizlətməkdən bezmişdi. Özü kimi, doğulduğu
kimi yaşamaq, özünü düşünmək istəyirdi. Nə edə bilərdim?
Ev onun idi və Elvin sözün əsl mənasında xilaskarım