, romanda icazəsiz hərəkət edən personajı atacam
bayıra. Orxan, yadında saxla ki, heç kəs əvəzedilməz deyil.
Səni bir cümləyə aşırdaram. Yerinə də lazım gəlsə Ağabəy
Sultanovu dirildib gətirərəm!
Orxan məzlum-məzlum yazı masasının arxasına ke-
çib, komputeri işə saldı. Ana səhifədəki “nicat_aslan” qovluğunu
açıb, axtardığını tapdı. Kofedən bir udum içib, üz gö-
zünü turşutdu və səbirlə, beynində ən xırda detalları analiz
edə-edə yazını oxumağa başladı.
“...O gün bərk sərxoş idim. Bütün yaxın dostlara mesaj
yazanda da, telefonu söndürəndə də, biləklərimi kəsəndə də ağlım
başımda deyildi... O gün yaşamaq üçün bir, ölmək üçün bir neçə
səbəbim vardı. Ölmək üçün çoxlu səbəbim olsa da, ölməyə cəhd elə-
səm də ölmədim. Görünür həyatımda daha çətin, daha qarmaqarışıq
günlər olmalı, daha çox əzab çəkməli və bu sətirləri yazmalı
idim.
102
Sonuncu intihar cəhdim... daha doğrusu hələlik sonuncu
intihar cəhdim haqqında yazmaq qərarına gəldiyim an kənddəki
evimizdəyəm. İlk dəfə intihara cəhd elədiyim şabalıd ağacının altında
bir siqaret çəkib, ilk intihar cəhdimdən sonra gözlərimi aç-
dığım otaqdayam... Evimiz tamam dəyişib. Uşaqlığım və yeniyetməliyimlə
bağlı heç bir iz tapa bilmirəm evimizdə. İllər acı-
masız davranıb. Bağımızda indi mən əkdiyim meyvə ağacları bar
verir. Mənim meyvə dərib yediyim ağacları isə çoxdan doğrayıb
odun ediblər. Qızımı bir neçə günlük yanıma gətirmişəm. Bütün
həyət onun səs-küyü ilə dolub. Komputer qarşısında oturub onun
şən səsindən kövrələ-kövrələ kədərli keçmişimi çözələyirəm.
Universitetin III kursunu bitirəndə valideyinlərimin istəyi
və israrı ilə evləndim.
Onsuz da gec-tez bu olmalı idi, çünki artıq ikinci il idi ki,
nişanlanlıydım. Ancaq elə toy gecəsi atamla-anam bizim gərdəyə
girdiyimiz otağın pəncərəsi önündə mübahisə etdilər. Mövzu yenə
də atamın “gəzdiyi” qadın idi. Elə o gündən həyatımın bütün nizamı
yenidən pozuldu. Yeni dərs ili başlayanda şəhərə qayıtdım.
Kirayə qaldığım evə yaxın bir internet klub