n nə istədiyi mənə maraqlıdır.
114
– Nicatın ona qarşı münasibəti necə idi? Yəni sadəcə seks
üçün birlikdə idilər, yoxsa ciddi nəsə vardı? Bu barədə
Nicatdan soruşmağa cəsarət etməmişəm. Bəlkə siz nə isə bilirsiniz?
– İlk günlər hər şeyi məndən gizlədirdi. Tək məndən yox,
Könüllə münasibətlərini bütün dostlarından gizlədirdi. Utanırdı.
Bəlkə də qorxurdu, çəkinirdi. Könülün ərindən ayrılmasında
özünü günahkar bilirdi. Sonra hər şey yavaş-yavaş
aydınlaşdı. Könül təzəcə ayrılmışdı. Köməksiz və tək idi. Nicat
uşaq kimi onun nazıyla oynayırdı. Hətta bir dəfə birlikdə
pal-paltarını götürmək üçün, əri ilə yaşadığı evə getdik. Kö-
nül qapıdan çıxana qədər ağladı. Dostumuz da, balaca uşaq
kimi ona qoşulmuşdu.
Könül birinci dəfə onu atıb ərinin yanına qayıdanda
Nicat bərk sarsılmışdı. Günlərlə evdən çıxmadı, zənglərə,
SMS-lərə cavab vermədi. Sanki dünya aşıb, altında qalmışdı.
Kor-koranə bağlanmışdı...
– Könül ərindən ayrılandan sonra yenidən onun yanına qayıtmışdı?
Bunu necə bacarıb? Bu ki, vicdansızlıqdır. Həm
Hikmətə, həm də ona qarşı haqsızlıqdır bu.
– Könül nə istədiyini bilmirdi. Hikmət də, Nicat da onun
üçün hər fədakarlığı etsə də, o Hikməti atıb Nicatın, Nicatı
tək qoyub yenidən ərinin yanına qayıda bilirdi. Hər şey olduqca
qəribə, olduqca inanılmaz şəkildə baş verirdi. Bu qadın
üçün “olmazlar”ı aşmaq çətin deyildi.
– Bəy, siz onların münasibətindən necə xəbər tutdunuz?
– Nicat etiraf etdi. O məndən sirr saxlamağı bacarmırdı. Mə-
ni böyük qardaşı kimi sevirdi və güvənirdi. Ona görə də
məndən heç nə gizlətmirdi. Onun aid olduğu mühitdən
uzaq olduğum üçün, mənimlə münasibətlərində daha rahat
idi.
115
– Siz onların münasibətinə necə reaksiya verdiniz?
– Normal. Hər ikisi ağıllı, yetkin insanlar olduğu üçün adi
qarşıladım. Düzdür, Könül indiyə qədər də mənim üzümə
baxmağa cəsarət etmir, amma mən baş verənlərə normal yanaşmışam.
Sadəcə Polisdən- Könülün böyük qardaşından
narahat idim. Nicata pislik edə biləcəyindən qorxurdum.
–Siz