Hikməti də tanıyırsınız. Necə insandır?
– Olduqca savadlı, bacarıqlı və uğurlu iş adamıdır. Əvvəllər
əmlak bürosunda çalışırdı. 4-5 il olar ki, özəl şirkət yaradıb
və uğurla həmin şirkətə rəhbərlik edir. Müxalif düçüncəli
gənclərə maddi yardım göstərir. Hakimiyyət dairələri onun
bu hərəkətlərindən xəbərdar olsa da, hələ ki ona mane olan
yoxdur. Yəqin ki, bir gün onu bərk “danlayacaqlar”. Amma
bir versiya da var, Hikmətin kiməsə “işlədiyini” deyənlər də
var. Bircə Könülün qardaşı Hikmətin bu işlərinə aqressiv yanaşır.
Amma qəribədir, Hikmət Könüldən ayrılsa da, mən
Polisi dəfələrlə Hikmətlə bir yerdə görmüşəm. Yaman bərk
və ayrılmaz dostlardır.
– Demək, Hikmət etirazçı gənclərə yardım edir və hələ də
Könülün qardaşı ilə ünsiyyət saxlayır?
– Aha. 2 ildir ki, qazancından könüllü olaraq onlara ianə ayı-
rır. Bizim uşaqlar onu qəhrəman hesab edir. Bircə Polislə
münasibətləri onu tanıyanlara qəribə gəlir.
– O zaman Nicatın da onunla münasibətləri normal olub.
Çünki bildiyim qədər Nicat da müxalif təşkilatın üzvüdür.
Etirazçı gənclərlə münasibəti normal olub.
– Bəli, Nicat da, mən də o təşkilatın üzvüyük. Keçirilən əksər
tədbirlərə və aksiyalara qatılmışıq. Nicat bir az tənbəl olduğu
üçün, çox vaxt tədbirlərdən yayınırdı. Hə, Polislə bir
dəfə mübahisələri düşmüşdü, lap çoxdan. Hikmətgilin evin-
116
də. Sonra özü mənə danışdı ki, Polisin arvadı da onun kirayə
mənzilini yaxşı tanıyır.
– Səncə Hikmət və ya Polis Nicatın ölümünə səbəb olacaq
addım ata bilərdi? Qısqanclıq, qisas və ya başqa bir səbəb?
Özümü dağa-daşa salmayım, düzüm-qoşum, qurtarım bu
roman əzabından.
– Məncə yox. Çünki Könüldən ayrıldıqdan dərhal sonra Hikmət
müxtəlif qızlarla görünməyə başladı.Pul var, imkan var,
yaraşıqda...belə də, çirkin deyil... Polis isə üzdə qəhrəmanlıq
etsə də, içiboş adamdır. İndi Hikmətin görüşdüyü qadınlardan
biri hamilədir. Ata olmağa hazırlaşır. Yazıq çox
sonradan başa düşdü ki, övladının olmamasına səbəb Kö-
nüldür. Polis də onunla