a münasibətləri kəsmir.
– Deməli Könül dünyaya uşaq gətirə bilməyəcək? Ağırdı. Bir
qadın üçün bundan böyük dərd ola bilməz.
– Düzü çox qarmaqarışıq məsələdir. Yəqin sizin üçün də maraqlı
olacaq. Könül Nicatdan ayrıldıqdan sonra, ona hamilə
qaldığını demişdi. Nicatı ən çox bu məqam sarsıtmışdı. Son
ana qədər özünü günahkar hesab edirdi. Könüllə yollarını
ayırmamışdan öncə bu barədə Könülün rəfiqəsindən soruş-
muşdu. Deyəsən Könül rəfiqəsi ilə əlbir olub onu bu yalana
inandırmış, abortla bağlı nə isə uydurmuşdular. Onu inandırmaq
çox da çətin deyildi. O insanlara bütün varlığı ilə inanırdı.
Bütün yalanlara, xəyanətlərə baxmayaraq onu qoruyan
böyük inamı idi. Könül ona sonuncu dəfə xəyanət edəndə,
o günlərlə özünə gəlmədi. Sonra mənə elə gəldi ki, toparlanmağı
bacarıb. Son görüşümüzdə gümrah görünürdü. Yeni
romanından parçalar oxudu, müzakirə etdik. Ədəbiyyatdan
uzaq olsam da, israrla mənə oxumaq istədiyini dedi.
Çox maraqlı gəldi. Qadın xəyanətindən və uğursuz inqilab-
çılardan yazırdı. Əsərin əsas qəhrəmanı olan qadının xə-
117
yanəti ilə inqilabın məğlub olması arasında paralellər aparmışdı.
İndi bu ideya hardan ağlına gəlib, bilmirəm. Təzəcə
başladığı roman daha maraqlı idi.
– Hmm. Demək Könüllə ayrılıqlarının səbəbi xəyanət olub?
Bu versiyanı düşünməmişdim. Könülün xəyanəti Nicatın intiharına
səbəb ola bilər. Məncə Könüllə yenidən gö-
rüşməliyəm. Dərindən araşdırsaq bundan bir şey çıxar.
– Mənim sizinlə görüşməkdə məqsədim də budur. Könül
bir-iki aya Moskvaya, dayısının yanına köçəcək. Daha doğ-
rusu bu barədə planı var. Moskvaya getmək istəyi ilə bağlı
heç kəsə deməməyimi xahiş edib. Sadəcə sizə deməyi özümə
borc bildim. Bəlkə də yalan danışır. Amma doğru da ola bilər.
Mən Nicatın ölüm səbəbini öyrənmək üçün bütün gü-
cümlə dəstək verməyə hazıram. Əsas odur ki, faydam toxunsun.
Əgər lazım olsa xəbər edin, pul və ya başqa köməklik
edə bilərəm. Könül qəfildən yoxa çıxmamış bu məsələni çözsəniz
əla olar. Onun çox şey bildiyinə