Könül isə öz
121
aləmində idi. Çantasını açıb siqaret çıxartdı. Orxan istər istəməz
Könülün masaya qoyduğu siqaretin markasına baxdı.
Nikotini və qətranı az, “Slims” siqaretlərdən idi. Adətən qadınlar
bu markadan istifadə edir. “Deməli Könül Nicatla
bağlı xatirələrdən xilas olmağa çalışır. Görünür düşdüyü
mühitə alışıb”- Orxan öz siqaretini götürüb birini yandırdı.
Könül viskiyə buz atıb stəkanı əlinə götürdü. Buzun
əriməsi üçün stəkanı əlində asta-asta yellədərək gözlərini
yumdu. Nəhayət viskisindən bir qurtum alıb, söhbətə başladı.
İsrarla bütün həyatını danışmaq istəməsi Orxana qəribə
görünsə də, susmağa və dinləməyə üstünlük verdi.
...Elvindən ayrıldıqdan sonra, valideyinlərimin yanına
qayıtmaqdan başqa çarəm yox idi. Atam boşanmağımı
çox pis qarşıladı. Həftələrlə məni danışdırmadı. Yaşadıqlarımı
onlara danışa bilməzdim. Elvin də israr etmədi. Bo-
şanma prosesi səs-küysüz keçdi. Boşandıqdan sonra atam Elvinin
homoseksual və narkotik aludəçisi olduğunu öyrəndi.
Məni necə bir həyata məcbur etməyini anlayandan sonra
xeyli yumşalmışdı. Artıq mənim oxumağımı, təhsil almağımı
istəyirdi. Atamla aramızdakı buzların əriməsində anamın da
böyük rolu oldu. Kollecdə yaxşı oxuyurdum. İkinci kursa ke-
çəndə artıq işləməyə başladım. Qarşıma məqsəd qoymuş-
dum ki, artıq ailəyə yük olmayacağam. Atam işləməyimə etiraz
etmirdi. Qardaşımın polis olması atamda özündənrazılıq
və əminlik yaratmışdı. Həyatım öz axarına düşmüşdü. Hər
gün arxamca gəlib mənimlə tanış olmağ çalışan oğlan xoşuma
gəlməyə başlamışdı. Adı Tərlandı. Utancaq oğlandı. Üstəlik
çox istiqanlı və mehribandı. Onunla tanış olduqdan
sonra sevginin varlığına inanmağa başladım. Əvvəllər mənə
tez-tez rəfiqələrim, xalam qızları sual verirdi ki, ilk baxışdan
122
sevgiyə inanırsan? Heç bilmirdim nə cavab verim. Həyatımda
o qədər çatışmayan şeylər var idi ki...İndi belə sual verən
olsa deyərəm ki, nəinki ilk baxışdan sevgiyə, ilk görüşdən
seksə də inanıram. Hər gün avtobusdan düşəndə