Babanız nəvələri arasında ayrı seçkilik salardı?
- Yox. Ancaq necə deyərlər 5 barmağın beşi də eyni olmaz.
- Denizlə arası necəydi?
- Babamın ondan,onun da babamdan xoşu gəlməzdi. Ancaq babam bacardığı qədər bizə necə rəftar edirdisə ona da etməyə çalışırdı.
- Babanız məktubda Denizi nəzərdə tuturdu?
- Əminəm ki,bu belədir. Amma niyə Denizin onu öldürəcəyini deyirdi,belə fikirləşirdi,heç bir fikrim yoxdur.
- O haradan öldürüləcəyini eşitmiş ola bilər?
- Nəsə deyə bilmərəm.
- Mənə ən maraqlı gələn şey nədi,bilirsiniz Selin xanım? Babanız öldürüləcəyini bilirdisə,niyə əvvəldən sizə bunu deməyib? Məsələn tutaq ki,onu Deniz öldürüb, niyə gəlib sizə Deniz məni öldürəcək deməyib? Hətta ən qəribəsi budur ki,köməyi sizdən yox,ölü bir şəxsdən- Yalçın Əfəndiyevdən istəyib?
- İnanın ki,bu sualların cavabları ən az sizin qədər mənə də maraqlıdır. Siz soruşmamış mən cavab verim ki, Yalçın Əfəndiyevi tanımıram.
- O mənim dayım idi.
- Allah rəhmət eləsin!
Atəş ürəyindən " O şərəfsizə rəhmət düşmür" desə də üzə vurmadı.
Atəş:- Sizcə Deniz həqiqətən qatil ola bilər?
Selin:- Bəhs etdiyiniz gün günortadan sonra 4 bacı birlikdə olmuşuq və heç yerə getməmişik. Əgər cinayət günortadan sonra olubsa demək ki,Deniz qatil deyil. Amma bu işdə əli ola bilər,çünki...- o danışmaq istəmədiyi mövzunu açdığına peşman oldu,amma onun cümləsini Atəşin özü tamamladı.
Atəş:- Çünki o babasının var-dövlətinə göz dikmişdi.
Selin:- Ancaq bu o demək deyil ki,o...
Atəş:- Çox sağ olun Selin xanım,siz gedə bilərsiniz.
- Təşəkkür edirəm.
Atəş Xumara mesaj yazdı: Selini aparın, Fatmanı gətirin.
Bir az sonra Fatma inspektorun yanında idi.
Fatma:- Əyləşə bilərəm?
Atəş:- Hə,əlbəttə ki əyləşə bilərsiniz. Selin xanım dedi ki,o cinayətdə sizdən və Denizdən şübhələnir,- o qəsdən belə dedi- həm də dedi ki,Fatmanın Oktay Aktaşla əlaqəsi heç yaxşı olmayıb.
Fatma qorxuya düşdü:
- O qızın başı xarab olub? Mən niyə babamı öldürüm axı? Bütün gün onun yanında olmuşam. O özü də bilir ki,Deniz xaricində