u nəvəsinin öldürəcəyini yazır. Onunla tək ulduzu barışmayan nəvəsi də sizsiniz. Üstəlik burada ifadə verən bacılarınızın da dediyindən belə çıxır ki, sizin babanızdan heç xoşunuz gəlməyib. Sadəcə bir fakt sizin qolunuzu qandallayıb həbsə aparmağa mənə mane olur. O da vaxt məsələsidir. Bacılarınız da təsdiq edir ki,o vaxt siz bacılarınızın yanında olmusuz. İndi mənim sualıma cavab verin: cinayətlə sizin hansı baxımdan əlaqəniz var?
- Heç bir əlaqəm yoxdur. Sizinlə açıq danışacam komissar Atəş,mən babamın ölməyini istəyirdim.Çünki ondan cana doymuşdum. Onun sağ qalmasının mənə zərrə xeyri yox idi. Həm lunatikdir,həm dəli- şizofren,həm qoca. Özü də bəlkə ölmək istəyərdi. Yazdığı məktubu da elə dəli olduğu üçün yazıb.
- Amma öldürüləcəyini doğru bilib.
- Həyatda təsadüflər az da olsa olur cənab komissar.
- Mən təsadüflərə inanmıram. Üstəlik cinayət işi təsadüflərlə deyil,faktlarla aparılır,məndən buna inanmağımı gözləməyin.İndi bir sualıma cavab verin: Lunatik babanızın hansı söhbəti- yəni ruhlarla olan hansı söhbəti sizə maraqlı gəlib?
- LQ haqqında söhbət.
- LQ?
- Bəli,o babamın düşmənlərindən olub,amma kimdir bilmirəm.
- Baban LQ haqqında kimlə danışırdı?
- Bir qız ruh ilə.Ona mələyim deyirdi. Hə,ürəyim və mələyim.Tam dəqiq yadımdadır,bu hadisə onun ölümündən 4 gün əvvəl olub...
Qətldən 4 gün əvvəl
- Mələyim,bax,ora bax o İblisi görürsən? O mənim sayəmdə dünyadadır. Əgər mən səninlə bir yerdə olmasaydım LQ də olmazdı,hə,hə,o da olmazdı. LQ mənim axırıma çıxmaq istəyir,axırıma
.Off,ilahi,mən nə edəcəm?
Oktayın bu sözləri Denizi heyrətləndirsə də səsini çıxarmadan sona qədər dinləmişdi.
- Ürəyim,sən bu yaramazı niyə dünyaya gətirdin? Mənə zülm versin deyə? Sən də mənə xəyanət etdin,sən də...
İndiki zaman
Deniz:- Baxın,onun dediklərini hərfbəhərf dedim, mənim yaddaşım çox güclüdür cənab komissar.
- Demək cinayəti aydınlaşdırmaq üçün LQ- nin kim olduğunu tapmalıyıq.
- Bəli,amma bu mənim kod adım deyil,gerisi də sizin işinizdir. Mən bildiklərimi sizə