a baxdılar,Günay gülümsünüb divanda əyləşdi. Bacıların isə sanki oturmaq ağıllarına belə gəlmirdi,onların üzündəki qorxu aydın sezilirdi...
Atəşlə Aydan "Kölgə" Təşkilatının Türkiyədəki xüsusi binasına çatıb Təşkilat prezidentinin otağına keçdilər.
İskəndər:- Xoş gəldin.
Atəş:- Onu siz mənim əkiz bacıma deyin. Xoş gəlmisən bacıcan.
Aytac:- Xoş gördük. Mən bura İskəndər bəyin əmri ilə gəlmişəm.
- Ser,Aytac Bakıda qalsa yaxşı olardı,biz özümüz işləri həll edərdik.
İskəndər:- Aytac da sənin kimi Ramazan bəy tərəfindən yetişdirilib Atəş. Bu cinayət təkcə səninlə deyil,onunla da əlaqəlidir.
Atəş:- Bizdən nə istəyirlər?
- Böyük ehtimalla Yalçın Əfəndiyev təşkilatı sadəcə Azərbaycanda deyil,xarici ölkələrdəki təhqiqat təşkilatlarına da satıb.
Aytac:- Kimsə Yalçın Əfəndiyevin intiqamını almağa çalışır?
Atəş:- Bunu başqa cür izah etmək mümkün deyil. Hələ ki savaş başlamayıb,amma tezliklə qığılcımları görünəcək. Başa düşdüyüm odur ki,bizim də həyatımız təhlükədədir.
Aytac:- Usta,bu kağıza bax,bu Oktay Aktaşın məktubudur. Heç kimin diqqət etmədiyi bir məsələ var.
Atəş diqqətlə kağızda yazılanları oxudu.
Atəş:- Bunları mən azı 50 dəfə oxumuşam.
- Elə problem də bundadır,hər kəs sadəcə bu məktubda yazılanları oxuyub. Bütün diqqət yalnız məktubda yazılanlara yönəlib,amma xəttə fikir verilməyib.
- Nə demək istəyirsən?
- Mən araşdırdım. Əlimə Oktay Aktaşın öz əli ilə qələmə aldığı "Qumarbazlara verdiyim dərs" məqaləsi keçdi. Bu məqalədə heç bir qeyri-adi nəsə yoxdur,qeyri-adi olan tək şey xəttdir. Diqqətlə baxsan görərsən ki, bu məqaləni yazan adamın xətti ilə Oktay Aktaşın cibindən çıxan kağızdakı xətt arasında Afrika və Antarktida arasındakı fərq var.
Atəş diqqətlə hər iki yazını nəzərdən keçirdi.
Aydan:- Bu nə deməkdir? Yəni bu necə ola bilər?
Atəş:- Üç ehtimal var,birinci budur ki, bu məqaləni Oktay yox,başqa biri onun adından yazıb.
Aytac:- Bu doğru deyil.Bu fərqi görüb araşdırmanı davam etdirdim. Bir neçə sənəd də əlimə keçdi.Və əmin oldum ki,bu məqaləni