arxasınca otaqdan çıxdım. Liftlə şirkətin avtoparkına enib lüks avtomobillərin arasından irəliləməyə başladıq. Boz rəngli porschenin yanında ayaq saxladıq. Ouu...Bu onun idi?
"Porsche -"
"Cayenne" - gülümsəyərək cümləmi tamamladı.
________________________________________­__________
Bakının mərkəzi yolunda irəliləyirdik. Günəş artıq batmağa üz tutmuş, ətrafı qaranlığa qərq etməyə hazırlaşırdı. Hələ də Sənandan hara getdiyimiz barədə bir şey öyrənə bilməmişdim. Dəniz kənarında dayanmağımızla gözlərimi yoldan ayırıb ona çevirdim.
"Yaz vaxtı dənizə çimməyə gəlməmişik yəqin ki" - qaşlarını çatdı.
"Sual yoxdu demişdim"
"Bu sual deyildi ki" - qaşlarının havaya qalxmasına gülümsədim.
"Pis deyildi" - göz vurdu - "Gəl sənə bir yer göstərəcəm" - maşından enməsi ilə qarnımı sıxan kəmərdən xilas olub arxasınca endim. Dənizdən əsən külək saçlarımı havalandırarkən cəld gödəkçəmə sarıldım üşüyən bədənimə inad. Necə də sərin idi...
"Gəl" . Sənanın küləyin vıyıltısına qarışan səsini eşidən kimi arxasınca irəliləməyə başladım. Təxmini otuz metrə qədər dəniz kənarındakı səki boyunca yeriyib, şüşə ilə əhatələnmiş restoran qarşısında ayaq saxladıq.
"Necə də gözəldi..." - səsim heyranlıq dolu çıxmışdı.
"Bura nədi ki, gəl sən hələ içərini gör" - Sənanın qapıya doğru irəliləməyi ilə arxasınca getdim. İçəri girən kimi qeyri-ixtiyari gozlərim ətrafda gəzişirdi. Tavandan tutmuş döşəməyə qədər hər şey taxtadan idi. Kənd evləri kimi...
"Gəl, burda boş yer var" - dənizlə üzbəüz taxta masanı işarə etdi. İdeal seçim...Arxasınca göstərdiyi yerə keçdim. Oyulmus kötükdən düzəldilən stula əyləşməyimlə təəccübümü gizləyə bilmədim. Necə də rahat idi...
"Oo salam, xoş gəlmisiniz" - orta boy, cavan oğlanın gülümsəyərək bizə yaxınlaşmağı ilə Sənan ayağa qalxdı. Bu adam da kim idi belə?
"Xoş gördük". Əl-ələ görüşdülər.
"Yolun buralardan düşərdi sənin?" - eyhamla verdiyi sualının ardından gözlərini mənə çevirdi.
"Bu gözəl xanım da kimdi belə?" - səmimi tərzdə soruşdu.
"Suay, iş yoldaşımdı"