k yaşına çatmış bir oğlumuz var. Get yat. Mən bir az hava alacağam deyib evdən çıxdı. Bu gün hər kəs hava alarkən havadakı xatirələrin ağırlığından ciyərlərinə ürəyinə çökən ağırılığı duymaq heç də çətin deyildi. Bu gecə bu şəhər ayıq qalanlarla birlikdə xatirələri yenidən canlandırmaq üçün can atırdı. Səlim keçə boyu addımlayarkən siqaretdənmi yoxsa yaşananlardanmı yaşarmış gözlərini qıydı. Yaraya duz basılmış kimi.
- Gözəlliyindən zərrə qədər də itirməməsiən Gülnaz xanım. Deyib acı acı gülümsündü. Dodağını dişlədi, siqareti dodaqları arasına aldı əlindən gələni etdi ki, dinməsin, amma beyin ki susmurdu. Hələ qızın. Ilahi Ülviyyə səni ilk gördüyüm günü xatırlatdı mənə. Adam bu qədər xain olmaz Gülnaz. Adam bu qədər xainlik edib öz gözəlliyini qızına bəxş edib adamı yaralamaz. İllər əvvəl səni məni indi də qızın oğlumu. Kim deyərdi bunu.. kim düşünə bilərdi ki, bir gün bu baş verəcək. Axı biz bunu xəyal etmirdik Gülnaz. Biz bunu istəmirdik. Biz övladlarımızın evlənməsini yox, bacıqardaş olmasını istəyirdik. Ehh Gülnaz eh... Mən zəif oldum.. mən elədim hər şeyi. 29 il əvvəl dediyin hər kəlmə indiyə qədər yanımdadır.
(sən..sən qorxaqsan, sən sadəcə qorxaqsan, sevgisinə, sevgilisinə sahib çıxa bilməyən qorxaq! Məni də atam anam vermirdi, amma mən dirəşdim, günlərlə ac qaldım, evdə bağlı qaldım, amma dönmədim yolumdan. Çünki səni sevirdim. Sən isə atanın bir sözünə hər şeyini, məni qurban verdin. Bəs mənə dediklərin, mənə verdiyin vədlər?
- Gülnaz anlamırsan atam...sən başa düşmürsən. Mən onlardan keçə bilmərəm.
- Bəs mənim atam anam.. elə bilirsən mənim üçün əziz deyillər. Sənin atan anandan əksikdirlər ki, mən onlara qarşı çıxdım?
- Gülnaz mən elə demək istəmədim
- Səlim sən nə dediyini özün də bilirsən? Sən mənə vəd verdin. Mənə dedin ki, bizim ailəmiz olacaq, mənə gəlinliyimi xəyal elətdirdin Səlim. Başa düşürsən sən bunu
- Gülnaz...bağışla..
- Bağışla...bağışla.. həə əlbəttə.. amma bil! səni örümün sonuna qədər nifrətlə xatırlayacağam Səlim, nifrətlə.