a qarışmasın,sizə qəribə gələ biləcək suallarım ola bilər, heç kim heç nə danışmasın! Nərminə,sən də burada ol.
Xumarın işarəsi ilə Hüseyn Okanı gətirdi.
Atəş:- Əyləşin Okan bəy.
Okan:- Siz məni niyə çağırmısınız?
- Bu sizin mənə verdiyiniz sonuncu sual olsun Okan bəy. Burada sualları mən verirəm,sizin işiniz sadəcə cavab verməkdir. Aydındır?
Okan qorxa-qorxa cavab verdi:
- Hə,əlbəttə ki aydındır.
Atəş:-Oktay Aktaşı sonuncu dəfə nə vaxt görmüsünüz?
- Bilmirəm.Səhər vaxtı idi,o evdən səhər çıxmışdı.
- Siz bütün gün evdə olmusunuz?
- Bəli.
- Bu necə ola bilər? Açelya xanım demişdi ki, o günorta evə qayıdıb,sizinlə birgə yemək yeyib( o qəsdən yalan danışdı,Açelya belə bir söz işlətməmişdi).
- Nə? Yox,yox,bu ola bilməz. Mən...Mən... Bu ola bilməz.
- Siz onunla bərabər deyildiniz?
- Yox. O evə gələndə mən evdə deyildim. Mən... Mən evdə olmamışam.
- Bir az əvvəl dediniz ki,bütün gün evdə olmuşam. İndi deyirsiniz ki,evdə olmamısız?
- Mən evə bazarlıq etmək üçün getmişdim.
- Doğrudan? Mən bilən Aktaş ailəsi alış-veriş məsələsini elə evdən edir,bu illərdir belədir.
Artıq Okan özünü təmamilə itirmişdi.
Okan:- Hə,əlbəttə,mən...Mən...
- Oktay Aktaşı niyə öldürmüsünüz?
Okanın rəngi ağappaq ağardı,nəsə demək istədi,amma səsi çıxmadı.Nərminə məsələyə qarışdı:
- Əgər qatil tapılıbsa məni niyə çağırmısınız?
İskəndər:- Gözlə Nərminə.
Atəş:- Cavab verin Okan bəy! Niyə öldürmüsünüz?
Okan az qala çığıraraq:
- Mən öldürməmişəm! Açelya xanım mənə demişdi ki, heç kimə heç nə deməyim.Mən öldürməmişəm! Mən bütün gün evdə olmuşam,amma onların heç biri evdə olmayıb,onlar yalan deyirlər. Oktay bəyi nəvələri öldürüb,Açelya öldürüb!
Hamı heyrətlə gah Atəşə,gah da Okana baxırdılar.
İskəndər:- Yəni sən deyirsən ki,qatil Açelyadır?
Okan:- Bunu bilmirəm,amma onların hamısının əli var,mənim uşaqlarım var,mənim günahım yoxdur,mənə yazığınız gəlsin.
Atəş:- Bəs siz bu cinayətin olacağını bilə-bilə nə üçün gizlətmisiniz?
-Cinayətdən sonra Açelya məni çağırdı,mənə dedi ki,