q qurtarardım. Bu boyda şirkətdə bu işləri görəcək biri yox idi?! Arxaya söykənib başımı stulun dəri başlığına dayadım. Hamısı Ayazın oyunlarıdı! Məndən nə istəyir axı?! Nə etmişdim ona?! Off! Bildiyim tək şey var o da artıq ona təslim olmayacağım!

Cəld yerimdə dikəlib ilk qovluğu əlimə aldım. On il əvvələ aid idi. Bu qədər köhnə tarixi incələyəcəkdim?! Bu adam başını itirmişdi?!

______________________________________________________

Başımım dönməsi ilə əl saxladım. Saatlardı nəinki yemək yemiş, masa arxasından belə qalxmamışdım. İncələdiyim sənədlərin hamısı köhnə tarixlərdə baş vermiş ortaq işlər, hesabatlarla bağlı idi. Bunlar arasında 'Ziyadov' adlı şirkət diqqətimi çəkmişdi. Sənədlərdən anladığım qədəri ilə Ağazadələrlə yarışacaq gücə sahib idi. Hətta, bir çox vacib işlərdə üstünlük belə qazanmışdılar.

Qovluğun qapağını bağlayıb digər nəzərdən keçirdiklərimin üzərinə qoydum. Off! Hələ sənədlərin yarısına indi çatmışdım. Barmaqlarımı alnıma basdırıb ovuşdurmağa başladım. Belə davam edə bilməyəcəkdim. Qolumu belə tərpətməyə gücüm qalmamışdı. Nə qədər istəməsəm də Ayazdan gerisini sabah bitirməyi xahiş etməli idim. Stulu geri itələyib ayağa qalmağımla başımın dönməyi bir oldu. Cəld masaya tutundum yıxılmamaq üçün. Bu da nə idi belə? Yaxşı hiss etmirdim. Cəld bunları təhvil verib evə gedəcəkdim. İncələdiyim sənədləri əlimə alıb sarsaq addımlarla otaqdan çıxdım. Dəhlizdən keçən işçilərin ayaq səsləri beynimdə əks-səda verirdi. Bir neçə dəfə yerin ayağımın altından çəkildiyini hiss edib tökəzləmişdim. Liftlə iyirmi-ikinci mərtəbəyə qalxıb Ayazın otağına yaxınlaşdım. Sənədlərin tökülməsindən ehtiyyat edərək əlimin birini azca uzadıb qapıya vurdum.

"Gir" - deyə qalın səsi ilə səslənincə dəstəyi aşağı çəkib içəri daxil oldum. Yenə başını qaldırmadı. Sanki masayla birlikdə dönürdü. Nə baş verirdi belə?
"Belə tez bitirəcəyini düşünməmişdim". Hələ də öz işiylə məşğul idi. Dönmənin qarşını almaq üçün gözlərimi bərk-bərk yumub açdım. Lənətə gəəsən! Hələ də