y yoxdu.
"Yaxşı, niyə həyəcanlandın ki?" - eyham dolu baxışlarını mənə göndərib çayından bir qurtum içdi.
Qulağıma dolan melodiya səsi ilə masanın üzərindəki telefonu əlimə aldım. Tanış nömrə olmadığından tərəddütlə qulağıma götürdüm.
"Alo?"
"Salam, Suay xanım, Ağazadə memarlıq şirkətindən sizi narahat edirəm. Arif bəy sizi təcili olaraq şirkətə çağırır". Bütün sinir hüceyrələrimi oyadan bu səs...Mələk!
"Suay xanım?" - bezginliklə məni səsləməsinə qarşı əsəblərim daha da gərildi.
"Gəlirəm" - telefonu qapadım. Arif bəy məni niyə çağırırdı ki? İşə gec gələcəyimi xəbər vermişdim. Off! Yenə mi tərs gedən nəsə var?!
"Susi, kim idi?"
"Arif bəy təcili məni çağırır, getməliyəm"
"Nə olub görəsən?". Bir bilsəm...
"Bilmirəm, gedib öyrənəcəm" - istəmədən də olsa ayağa qalxdım. Suayın keşməkeşli yolları...
-------------------------------------
Taksinin pulunu ödəyib girişə doğru irəliləməyə başladım. İçimdə narahatçılıq var idi. Yenə nə olmuşdu axı?! Bir günüm də sakit keçsə. Eh, Suay, nələr ümid edirsən belə...
İyirmi ikinci mərtəbəyə qalxıb istəmədən də olsa Mələyin oturduğu masaya yaxınlaşdım. Onu görən kimi Ayazla yaxınlığı beynimə doldu. Sakit ol, Suay! Yenə məni hiss etməmişdi. Bu qız nə işlə məşğul idi belə?!
"Arif bəy içəridə?" - başını qaldırıb üzümə boş baxışlarla baxdı. Eşitməmişdi məni?!
"Arif bəy içəridə?" - sözləri tək-tək vurğuladım. Əsəblərim tarıma çəkilirdi artıq. Arif bəy belə birini necə işə almışdı?
"Bəli" - dedi insanı dəli edəcək özünə məxsus tərzdə. Cəld addımlarımı otağa doğru yönəltdim. Bu qızın yanında nə qədər az qalsam, bir o qədər yaxşıdı. Qapıya şəhadət barmağımla üç dəfə vurdum.
"Buyurun" - içəri daxil oldum. Lakin içəri çox keçmədən gördüyüm iri cüssəylə ayaq saxladım. Ayaz?!
Masanın qarşısındakı kresloda Ayaz, onun yanındakı divanda isə Arif bəy əyləşmişdi. Onun burda nə işi var axı? Bu mənasız sual da nə idi belə?! Əlim ayağım indidən buz bağlamışdı. Hələ o qaranlıq baxışlarını üzərimdə hiss etdikcə...
"Suay, orda niyə