kəsilir, gözlərimə qaranlıq çökür. Can verən insan kimi xırıldayırdım. Birdən ayıldım. Qan-tər içindəydim. Daha da narahat olmağa başladım.Bazar günü danışıq məntəqəsinə gedib, kəndlə danışmağı qət etdim.Nə qədər çalışırdımsa, gördüyüm yuxunun təsirindən çıxa bilmirdim. Bazar günü kəndlə danışa bildim. Atam mənə hər şeyin qaydasında olduğunu, narahatçılığa heç bir əsas olmadığını bildirdi. Ədalətgildə də salamatçılıq olduğunu dönə-dönə söylədi. Atamla danışandan sonra bir az rahatlandım. Amma həmin axşam yenidən çox qarışıq yuxu gördüm. Gördüm ki, iki nəfər ağ paltarlı adam Ədalətin qolundan tutub harasa aparırlar. Ədalət isə getmək istəmir. O, əllərini uzadıb məni köməyə çağırır. Mən də əllərimi uzadaraq ona tərəf qaçıram. Bu zaman haradansa Sənəm arvad peyda olur və qarşımı kəsir. Nə qədər çırpınsam da, Ədalətin imdad üçün uzanmış əllərini tuta bilmirəm... Həkimlər Ədalətin beynində şiş olduğunu aşkar ediblər... Ədalətin böyük qardaşı və atası məsələdən xəbər tutan kimi, Moskvaya uçurlar. Həkimlər deyib ki, o, mütləq əməliyyat olunmalıdır.Amma sağ çıxıb-çıxmayacağına zəmanət verməyiblər və eyham vurublar ki, əməliyyat olunmasa belə, xəstə ancaq bir ay yaşaya biləcək. Həkimlərin zəmanət vermədiyini görən valideynlər Ədalətin əməliyyat olunmağına uzun müddət tərəddüd ediblər. Həkimlər valideynlərin tərəddüd etdiyini görüb, onlara deyiblər ki, əməliyyat olmasa da, xəstənin ömrünə bir ay ancaq qalıb. Ədalətin valideynləri naçar qalıb əməliyyata icazə veriblər. Ədalət əməliyyata girməmişdən öncə qardaşına mənə çatdıracaq məktub verib, özü isə əməliyyat stolundaca keçinib... Bir gün dərsdən çıxıb yataqxanaya gələndə atamı otağımızda ğördüm. O, təəccübləndiyimi görüb dedi: - Qızım, narahat olma. Anan bir balaca soyuqlamışdı, dedi ki, get, Solmaza icazə al, gətir evə. - Ata, uşaq deyiləm ki, məni bu cür sözlərlə aldadasan. De görüm, evdə, kənddə nə hadisə baş verib?! Anam sağdırmı? Ona bir şey olmayıb ki? - Mən təlaş içində soruşdum. - Qızım, Allaha and olsun ki, anan