n keçəcəksən. - Sənə komsomol sözü verirəm, yoldaş həkim. Moskvaya gedən kimi özümü həkimə göstərəcəyəm. Bu barədə heç narahat olma. Səni bura çağırmaqda məqsədim var.Evdə bizimkilərlə belə qərara gəldik ki, bu yay tətilində sənə nişan gətirək. Nə vaxta kimi subay gəzəcəyik? Hə, bu xeyir işə nə deyirsən? - Nə deyəcəyəm ki?! Qoy bu məsələni valideynlərimiz həll etsinlər.Mən sənin barəndə sözümü atama, anama demişəm. Son qərarı onlar verəcək, - Gülərək Ədalətin boynuna sarıldım. Ertəsi gün biz qatarla Bakıya yola düşdükdə, Ədalətin başındakı ağrı bir də tutdu, amma bu dəfə tez ötüb keçdi.Mən anladım ki, bu cür tutmalar beyin yorğunluğundan əmələ gələn ağrılar deyil.Çox məyus oldum. Ədalət qəmgin olduğumu görüb könlümü almaq istəyirdi.Amma mən xəyala dalmışdım, Sənəmin dediyi sözlər yadıma düşdü.Ona görə də qəlbimə Ədalətlə bağlı qara fikirlər doldu.Mən çalışırdım ki, üzərimə “hücum” çəkən qara buludları dağıdım.İçimdə sıxıntılar baş qaldırır, sanki məni məngənəyə salıb yavaş-yavaş sıxırdı.Ədalət məni əyləndirməyə nə qədər cəhd göstərsə də, alınmırdı.Nə qədər çalışdımsa, özümü ələ alım, bacarmadım.Məndə labüd ruh düşgünlüyü yaranmışdı... Ədalət gecə reysinə bilet almışdı.Mən onu yola salacaqdım. Amma Ədalət icazə vermədi. O məni başdan-ayağa süzdükdə və həmişəlik ayrılırmış kimi məni acgözlüklə öpməyə başladı.Öpüşlərdən məst olub qolları arasına düşdüm... .. Bir ay ərzində artıq dördüncü məktub idi ki, Ədalətə göndərirdim, ancaq cavab ala bilmirdim. Yəqin etdim ki, Ədalətə nəsə olub,yoxsa o, cavabı bu qədər gecikdirməzdi. Rayona, evimizə xəbər göndərdim. Onlar da gülüb demişdilər ki, nə əl-ayağa düşmüşəm. Ədalətin getdiyi heç bir ay deyil. Amma içimi şübhələr didib - parçalayırdı. Bir axşam çox qəribə bir yuxu gördüm. Gördüm ki, kolxoz sədrinin arvadı Sənəm qara geyimdə, başında da qara yaylıq, sifəti eybəcər formada mənə doğru gəlir. O mənə yaxınlaşdı və boğazımdan yapışıb qışqırdı:”Sevgilin kimi sən də öləcəksən, öləcəksən...” Hiss edirdim ki, get-gedə nəfəsim