Diqqət: Bu əsər kriminal-mafiya məzmunludur! Azyaşlıların və əsəbi zəif olanların oxuması məsləhətli deyildir! Bu əsər tamamilə gerçəklərdən uzaq olub müəllifin beyin məshuludur! 18+


1-ci hissə:
Bakıya ilin son fəslinin ilk qarı yağır, şəhərimiz qışın sehiri ilə donunu dəyişmək üzrədir. 11 yaşlı, saçı qəhvəyidən qaraya çalan, qalan dərisi sifətinə nisbətən tünd rəngli və çöhrəsi eynilə kürənlərin üzü kimi çiyilli, əynində isə qara gödəkçə olan Rəşad həmişəki kimi dərsdən evə qayıdırdı. Qışın soyuq havası və hey əsən acı küləyi qar dənəcəklərini o yan-bu yana qovur, onun kiçik əlləri və ağ bənizini soyuqdan qızartmışdı. O həm də az öncə - yəni, məktəbdən çıxanda uşaqlarla qartopu da oynamışdı axı... Məktəb ilə ev arasında da vur-tut düz 1 kilometrə yaxın yol var. Yavaş-yavaş belində çanta evə gedən Rəşad bu arada torpaqla qarışmış çox nazik qar qatının xışıldamasından da xüsusi ləzzət alırdı. O, məhəlləyə çatar-çatmaz sakit dalanda 1 nəfərin onun arxasıyca gəldiyini hiss edir. Əvvəlcə buna ciddi əhəmiyyət verməsə də daha sonra qəfil narahat olmağa başlayır. Onun qəlbində böyük hərarət yaranır, sanki biz üstündə oturmuş kimi hiss edir özünü. Fəqət birdən iri bir əlin arxadan onun çiynindən tutduğunu hiss edincə bərk qorxur. Üzünü çevirib ona doğru baxdığında arxasıyca gələn həmin şəxsin 35-40 yaşlı ziddiyyətli simaya malik bir kişi olmasını görür. Və içindəki narahatlıq daha da qabararaq onun üzündə biruzə verməyə başlayır, ürək döyüntüləri daha da artır. Həmin şəxs isə üzündəki sərtliyi mehribanlıq ifadəsilə dəyişərək: "Atan səni görmək istəyir, balaca"- deyir. Rəşad bu vaxt: "Atam işdədir axı"- söyləyəndə o cavab verir: "Elə ona görə də səni atanın iş yerinə aparacayam". O: "Axı atam məni niyə çağırsın ki?"- deyərək sual verdiyi zaman həmin şəxs: "Ay uşaq, sən nə çox danışırsan. Nə deyirəm onu da elə də"- söyləyərək sanki bir əmr verir ona. Nədənsə o adamdan Rəşadın gözü heç su içmir. Lakin onun axırıncı sözlərindən sonra susur və həmin şəxs Rəşadın əlindən