baxırdı.

"Səbrimi sınama, Mələk!"

"Səni o sürtü-" - Ayaz sərt tərzdə çənəsindən tutub divarla arasına sıxışdırdığı üçün sözü yarımçıq qaldı. Sanki ayaqlarım yerə yapışdı. O qadın mənə nə dedi?!

"Suay, çölə çıx!" - dedi Ayaz gözlərini bir an belə Mələkdən ayırmadan. Yenə eyni hərəkəti edirdi! Mənə özümü müdafiə etmə imkanı vermir! O hədsizə dərsini özüm verəcəkdim!

"Çıxmıram!"

"Suay, çölə!" - yüksək çıxan səsinə qarşı dik atıldım. Yenə arada mən qalırdım! Ancaq bu dəfə təslim olmayacaqdım!

"Heç yerə getmirəm! Kimsə mənlə bu tərzdə davrana bilməz!" - qığılcımtək yanan gözlərini mənə çevirdi.

"Suay, ya çıxarsan, ya da...!"

"Ya da nə?!". Mələyi buraxıb üzərimə gəlməyə başladı. Biləyimdən tutub arxasınca çəkişdirdi. Nə baş verdiyii anlamağa çalışarkən özümü qapının arxasında tapdım.

"Ahh!" - hirslə ayağımı yerə vurdum. Dəli olacaqdım! Mən hər şeydən uzaq durmağa çalışarkən necə bütün hadisələrin ortasına düşürdüm axı?!

* * *

"Ayazla işləyirsən?!". Lalə iriləşmiş gözlərlə mənə baxırdı. Ona Ayaz deyə xitab etməyi diqqətimdən yayınmamışdı. Təbii, əl-ələ tutuşduğu birinə başqa necə xitab edəcəkdi ki?

"Bir müddətlik". Şirkətdə yaşananlardan sonra, söz verdiyim kimi birlikdə nahar etməyə gəlmişdik. Ona qarşı biz qəzəbim olmasa da istər-istəməz gərilirdim. Dirsəklərini masaya qoydu.

"Qəribədi" - səsi şübhəli idi.

"Niyə?"

"Ayaz kimsəylə işləməz, hətta Arif bəylə belə. İşini hazırlayıb təqdim edər. İndiyə qədər də müvəffəqiyyətsiz olduğunu görməmişəm". Onda bu adamın məqsədi nə idi? Məni dəli etmək?!

"Biriylə işləmək bir kənara, kiminsə işinə nəzarət etmək belə onun edəcəyi bir şey deyil". Ancaq, mənim işimə özü nəzarət etmək istəmişdi. Off! Bütün düşüncələrim qarmaqarışıq oldu! Yəqin, Arif bəyin dediyi kimi bu layihə çox önəmlidi.

"Yəqin ki, Arif bəy məcbur edib. Həm, anladığım qədəri ilə şirkətdə bu işdə bir nömrədi. Bacarıqlı bir insan..." - dedim verəcəyi reaksiyanı görmək üçün.

"Olduqca yaraşıqlı və ən az o qədər