tərəfinə sürüdərək həmin divarla birləşdirir. Bu anda qarşı tərəf aramsız atəşlər açmaqda davam edir. Nəticədə oğluna yalnız sürünərək küncə getmək qalır. Qəzənfər ardıcıl atəş açaraq onu yayındırmaq istəyir. Birdən Oqtayın gözünə açıq hədəf olan adam sataşır. O bu vəziyyətdən layiqiycə istifadə edərək həmin adamı böyrəyindən ardıcıl vurmaqla zərərsizləşdirir. Bu müddətdə Rəşad da atasının verdiyi tapşırığın öhdəsindən uğurla gəlməyi bacarır. Oqtay divanı sağ tərəfinə çəkib arxaya verərək pilləkanla divarın arasındakı küncü daldanacaq yeri kimi seçir. Qəzənfərin köməyə çağırdığı şəxslər binanın giriş qapısından evə daxil olur. Oqtay həmin qapını nişan aldığından qapıdan içəri girən adamların bir neçəsini qartal kimi ardıcıl atəşlər sayəsində yerə sərir. Qarşı tərəf sanki bir hilal forması alır, o isə ortadakı ulduza bənzəyir. Oqtay pilləkənlərin üstündə 2 güllənmiş adam görür. Ona ən yaxın olan adamın üstündə silah və patrondaşların olduğunu görən müstəntiq bu fürsəti əldən verməmək məqsədilə həmin şəxsə ani zərbə vurmaq istəyir (Ki pilləkanın ən yuxarı pilləsindən aşağıya diyirlənsin. Və daha sonra sürüyərək öz tərəfinə çəksin ki, onun üstündəki silah və patrondaşı götürə bilsin). Lakin qarşı tərəf buna mane olmaqda çox böyük səy göstərir. Birdən Oqtay ayaq səsləri eşidir. Qarşı tərəf isə onu güllə yağışına tutmaqda davam edir. Oqtay anlayır ki, Qəzənfərin adamları 2-ci və 3-cü mərtəbəni də yaxşı tutublar və arxadan ona hücum etmək niyyətindədirlər. 3 nəfər pilləkənlərdən gəlir, Oqtay açıq hədəfdir. Rəşad atasının təhlükədə olduğunu görüb böyük narahatlıq içərisindədir. Həmin adamlar müstəntiqə güllə atar-atmaz, o, tapançasını işə salır və daraqda güllə qutarana qədər atəş açır. Bu güllələr həmçinin divarın içində olan şüşədən hazırlanmış qeyri-adi sənət nümunəsini də paramparça edir. Onların hər üçü də Oqtayın atdığı güllələrin qurbanı olur və pilləkanlardan diyirlənərək yerə yıxılırlar. Müstəntiqin istədiyi də tam bu idi! O, yerə yıxılmış və ona ən yaxın olan