n cəsədlərdən birini özünə tərəf sürüyür. Onun silahını götürür və bu fasilədən istifadə edərək soldan mövqe dəyişməyə cəhd edən Qəzənfərin adamını vurur. Oqtay: "Pilləkəndən kimsə gəlsə mənə xəbər elə"- deyir oğluna. Qarşı tərəf dayanmadan atəş açmaqla salonda böyük gurultu yaratmaqdadır. Divarlarda isə gülləyə görə bir dənə də olsun sağ-salamat yer yoxdur. Hətta bahalı rəsm əsərləri belə güllələrin qurbanı olmuşdur. Bu güllə yağışında ani səhv hərəkət ölüm demək olduğunu hər iki tərəf yaxşı anlayır. Rəşad, atasının əmrinə əsasən, bütün ağrılarına rəğmən diqqətini pilləkana cəmləyir. Qəzənfərin isə əsas hədəfi məhz Oqtaydır. Onun bütün güllələri müstəntiqə tərəf istiqamətlənir. Birdən müstəntiq 1 nəfərin sağdan sola doğru mövqe dəyişdiyini görür. O anlayır ki, həmin şəxs soldan fırlanaraq onun arxasına keçəcəkdir. Təcrübəli müstəntiq ona tərəf 3 güllə atır. Atılan güllələrdən 2-si hədəfə çatmasa da biri həmin şəxsin qarın boşluğuna dəyir. Elə bu güllə onun zərərsizləşdirilməsinə kifayətdi. Bu vaxt Qəzənfər diqqətini həmin adama kökləyən Oqtayı vurur, müstəntiqin oğlu qorxu və təşviş içindədir. Qarşı tərəf üçün isə bu böyük fürsətdir. Özündən çox oğlunu düşünən ata ürəyində öz-özünə: "Allahım mənə güc-qüvvət ver! Oğlumu bu cəhənnəmdən qurtara bilim"- söyləyərək yalvarır. Belə ki, güllə Oqtayın sağ tərəfdən sinəsini siyirərək keçmişdir. Bu fasilədə qarşı tərəf dayanmadan atəş açır, mövqe dəyişərək müstəntiqə daha da yaxınlaşır. Bir əli ilə qanını saxlamağa çalışan yaralı müstəntiq dişini sıxıb sağdan hücuma keçən 2 nəfəri vuracaqdı ki, bu anda: "Ata"- deyə səsləyən oğluna tərəf cəld şəkildə çönür və pilləkandan düşən adamın ona doğru bir neçə atəş açmasına baxmayaraq, sağa tərəf fırlandığına görə güllələr onun başının üstündən keçir, o isə dəqiq atəşlə həmin adamı ürəyindən güllələyir. Nəticədə, həmin şəxs pilləkandan diyirlənir. Beləliklə, Oqtay həmin adamı öz tərəfinə sürüyərək silahını götürür, eyni zamanda öz silahıyla da atəşi kəsməyərək rəqibə layiqli