cavabını verir. Həmin 2 nəfər Oqtaya ən yaxın yerdə üz-üzə mövqedə dayanırlar. Artıq müstəntiq hər atəş açmaq istəyəndə onlar onu güllə yağışına tutaraq "sıxışdırırdılar". Teymur və adamları da helikopter vasitəsilə havaya qalxır. Oqtay çox çətin vəziyyətdədir, qarşı tərəf isə bundan yetərincə istifadə edirlər. Güllələr onun başının üstündən uçuşur, müstəntiq və oğlu dəhşət dolu anlar yaşayır. Bu elə bir hissdir ki, sən hər an ölümün qalib gələ biləcəyini anlayır və bunu bilə-bilə həyatınla qumar oynuyursan. Müstəntiq aradabir silahını qaldırıb atəş açır, Qəzənfər isə adamlarına yenə də xüsusi əmr verir. Birdən Oqtay pilləkandan yıxılan meyidlərdən birini özünə doğru çəkir. Onu özünə tərəf tutaraq qarşıdakı şkafa gedəcəyini və oranı daldanacaq yeri kimi seçəcəyini nəzərə alır. Oqtay meyidin üstündəki patrondaş və silahı götürdükdən sonra onun bədənindən bir sipər kimi istifadə edərək şkafa tərəf irəliləyir. Güllələr onun üstündən az fərqlə keçir, hətta bədənindən sipər kimi istifadə edən meyidin də kürəyini deşir, ölüm ona hər an qalib gələ bilər... Teymur helekopterlə meşənin üstündə keçərkən ətrafa durbinlə göz gəzdirməyə başlayır. Siqnala nəzər salan müstəntiq məsafənin daha da çoxaldığını birdən görüb helekopterin sürücüsünə: "Əks tərəfə hərəkət edirik. İstiqaməti dəyişin"- söyləyir. Qəzənfər və adamları dayanmadan güllələr atır, Rəşad isə bu vaxt ayaq səsləri eşidir. Müstəntiq cəldliyi və sayıqlı sayəsində həmin yerə (şkafa) güclə də olsa çatır. Rəşad həmin adamı görüb atasını səsləyir, o (pilləkanlardan düşən adam) uşağa nişan almaq üzrədir, Oqtay arxaya atəş açır, lakin atdığı güllə hədəfə yetişmir... Istiqamətini dəyişən helekopterlə uzun yol gedən Teymur durbinlə ətrafa baxdıqda gözünə birdən sağ tərəfdə bir şey tuş gəlir. Helekopter daha da yaxınlaşdıqca müstəntiq buranın açıq-aşkar bir imarət olduğunu, həmçinin siqnalda məsafənin daha da azaldığını da görərək: "Sağ tərəfdə imarətə bir neçə kilometr çatar-çatmaz eniş edin"- deyərək əmr verir. Lakin