n helikopter sürücüsü ərazinin böyük hissəsinin meşəlik olduğundan və həmçinin təhlükəsizlik baxımından eniş etməyin qeyri-mümkünlüyünü deməsi onu daha da əsəbləşdirir: "Onda, bax o biri tərəfdə özümüz enərik". Artıq Rəşad ölümlə üz-üzədir, həmin adam ona tərəf güllə atacaqdı ki, oğlunun həyatının təhlükədə olduğunu görən ata növbəti atəşdə pilləkandan düşən adamı sinəsindən vuraraq zərərsizləşdirir. Lakin bu gecikmə Oqtaya çox baha başa gəlir. Belə ki Oqtay onu vurandan sonra həmin adamın barmağının tətiyi sıxması nəticəsində tapançasından avtomatik olaraq çıxan güllə Rəşadın sol qoluna dəyir, bu zaman o ağrıdan bərk qışqırır. Çünki bu güllə Rəşadın sümüyünü sındırıraq keçir. Bundan sonra Oqtay daha çox narahat olmağa başlayır. Lakin bu dəfə narahatlıq onda çarəsizliyi deyil, qətiyyəti daha da alovlandırır. Sonra, o, qarşı tərəfdəki adamlara da güllə atmağa müvəffəq olur. Lakin atdığı güllələrdən heç biri hədəfə çatmır. Anlayır ki, hirs düşüncənin düşmənidir. O, yeni güllələri patrondaşdan silahına doldurur. Helikopterdən iplər yerə atılır və Teymur ilə adamları helikopterdən düşmək üzrədir artıq. Helikopter imarətdən görünməyəcək məsafədə və tam təhlükəsiz istiqamətdə olmaqla yanaşı, meşəliyin nisbətən daha seyrək olduğu ərazisində idi. Teymur və digər adamları artıq yerə enir, o, ovucu ilə alnının tərini silir. Bu vaxt helikopter gözlənilmədən bazuka zərbəsinə tuş gəlir və partlayaraq parçaları müxtəlif yerlərə, nəhəng gövdəsi isə torpaq qatının üstünə çırpılıraq ətrafı tüstü və alov bürüyür. Teymur və digər adamları kol-ağac arxasına atılaraq özlərini qoruyurlar, onlar yerdə olduğu üçün sağ qalsalar da, helikopterin içində olan sürücü və qalanları dünyasını faciəli şəkildə dəyişirlər. Bu dəhşətli və gözlənilməz hadisəyə müstəntiq və onun adamları çox kədərlənirlər. Həmin yer torpaq sahə və ağaclar seyrək olduğundan meşədə heç bir yanğın törənmir. Lakin Teymur bu zərbənin vurulduğu istiqamətə nəzərən meşənin içinə vəhşicəsinə dalır. Bir qədər getdikdən sonra o