r qapıya yaxınlaşanda daxmanın arxasından 3 nəfər hücuma keçir. Lakin sol tərəfdən gələn Sadiq onların birini böyrəyindən və başından, digər ikisini isə İsmayıl sinəsindən vuraraq Eldarla Teymurun həyatını xilas edirlər. Teymur qapını təpiklə açaraq daxmaya şimşək kimi girir və silahını birbaşa meşəbəyinin başına dayayır. O nə qədər də sıradan vətəndaş olduğunu israrlı şəkildə qeyd etsə də Teymur onun yalan danışdığını anlayır təbii. Adamı Eldara qutunun içində nə olduğunu aydınlaşdırmaq məqsədilə əmr verdikdə o qutunu açır və görür ki, içində bazuka var. Hansı ki məhz həmin silah vasitəsilə helikopter havaya uçurulmuşdu. Teymur: "Səni o bazuka ilə havaya uçurmaq istərdim, amma müstəntiq olaraq məcburam ki, səni öldürməyim. Amma bu səni cəzalandırmayacağım anlamına gəlməz"- deyərək üzünə elə sərt yumruq vurur ki, ağzı qan içində yerə yıxılır o. Teymur Cəfərə yaxşı-yaxşı tapşırır ki, meşəbəyinin üstündən bir an belə ayrılmasın və ona "qonaqlıq" versin. Özü isə digər adamları ilə birgə yoluna davam edir. Bu vaxt Qəzənfər adamlarına əsəbi səslə qışqıraraq: "Dağılışın, bütün mövqeləri tutun, bütün mövqeləri"- söyləyir. Müstəntiq geri çəkilməyə məcbur olur və skafı özünə sipər kimi tutaraq arxaya - əvvəlki yerinə sürüyür. Həmçinin oğlundan da nigaran olan Oqtay onun yanına gələrək vəziyyətinin daha da ağırlaşdığını, uşağın qan və tər içində olduğunu görür. Artıq Rəşad ağrıdan tamamilə halsızlaşaraq eləcə hey gözünü bir nöqtəyə dikir. Əgər o gözünü qırpmasaydı müstəntiq oğlunun öləcəyini düşünəcəkdi. Fəqət, bu bir neçə saniyədə bir Allah bildi ki, nələr çəkdi müstəntiq. Oqtay bu cəhənnəmdən bacardığı qədər tez çıxmağı arzulayır. Axı onun itirdiyi hər saniyə oğlunu ölümə daha da yaxınlaşdırır.

Teymur adamlarına sayıq və ehtiyatlı hərəkət etməyi tapşırır. Artıq yolu yarı edən müstəntiqin adamları qarşıdan böyük imarətin gəldiyini görürlər. Uzaqdan durbinlə imarətin ətrafında fırlanaraq hər yerinə yaxşı-yaxşı nəzər salan Teymur adamlarına: "Bacardığımız qədər səssiz