hərəkət edəcəyik. Mən qarşıdan Sadiq, İsmayıl və Anarla irəlləyərək qarşıdakı 4 nəfər mühafizəçi və imarətin önündəki 2 yanaşı postun içində olan adamları, sən - Eldar! Ramil, Hüseyn, Cavid və adaşımla arxadan hücum edərək ilk öncə 10-dan çox adamı öldürəcəyik. Binanın sağında və solunda ən azı 8 nəfər keşikçi var. Elə ona görə də snayperçi kimi meşəlikdən Rafiqi imarətin sağ və Əzizi isə sol tərəfinə yerləşdirəcəm. Siz sadəcə istiqamətiniz üzrə keşikçilərə nişan alacaqsız ki, biz qabağdan və arxadan rahat hücuma keçə bilək. Firuz, sən isə sonda - mən sənə dediyim zaman hərəkətə keçəcəksən. Nə edəcəyini də yaxşı bilirsən. Çalışın bacardığınız qədər səssiz irəliləyin. Ən birinci snayperçilər mövqelərini tutsun və ilk olaraq Eldar adamlarıyla arxadan səssizcə hücum etsin. Ona görə ki, durbinlə baxdığımda ən çox adamın arxada olduğunu görmüşdüm. Nəysə, hazırlaşın, gedirik"- deyir və onlar hərəkətə keçirlər. Onun və adamlarının üzündəki qətiyyət və döyüş əzminin yüksək dərəcədə olması atdığı addımların hərarətindən bəlli idi... Kiçik bədəni qana qəltan olan Rəşad taqətsiz vəziyyətə düşür. Oqtay cəld qalxaraq mövqe dəyməyə cəhd edən adamlardan yalnız birini böyrək nahiyəsindən vurur. Lakin bu ona az qala baha başa gələcəkdi. Belə ki, Qəzənfərin adamları Rəşadın başının açıq hədəf olduğunu görüb ona tərəf nişan almaq istəyəndə müstəntiq oğlunun kifayət qədər təhlükəli vəziyyətə düşdüyünü bilib onu çox sayıq şəkildə çiynini aşağı əyir, nəticədə, güllələr onun başının üstündən az fərqlə keçir. Bundan sonra Rəşadın ağrıları daha da çoxalır, çətinliklə nəfəs alır artıq. Həqiqətən də Oqtay bu an oğlunu itirəcək deyə çox qorxur. Müstəntiq gülləsinin azaldığını bilib pilləkandan yıxılmış cəsədi özünə tərəf çəkir. Meyidin üstündəki patrondaş, silah və bıçağı götürərək onun silahından atəş açmağa başlayır, qarşı tərəf də bunun cavabını verir. Oğlunun pis vəziyyətdə olması Oqtayı daha da üzür. Qəzənfər adamlarına işarə verdikdən sonra onun digər adamları da evə daxil olur. Bu