u vaxt Teymurun adamları da imarəti arxadan mühafizə edən şəxslərdən hardasa 10 nəfərin içəri daxil olduqlarını görür. Bu müstəntiqin işini daha da çətinləşdirir. Eldar adamları ilə birlikdə hərəkətə keçir. Səsboğucu taxılmış silahlardan istifadə edən Eldarın adamları böyük ustalıqla kolluqların və ağacların gövdələrində gizlənərək arxadan imarəti mühafizə edən adamlara nişan alırlar. Hərə bir adama nişan alır, orda vur-tut 10 nəfər adam var. Eldarın işarəsindən sonra onlar atəş açmağa başlayır, düz 5 nəfərin baş, 3-nün sinə nahiyəsindən vuraraq qətlə yetirirlər. Digər çaşqın vəziyyətdə qalmış 2 nəfər vəziyyətin nə olduğunu anlamağa çalışırlar, silahlarını kaburalarından götürmək istəyirlər ki, Teymurun adaşı onların hər ikisini öldürür. Artıq növbə keşikçiləri vurmağa yetişir. Teymur öz adamları ilə hərəkətə keçib nəhəng ağacların gövdələrində gizlənərək imarəti qarşıdan mühafizə edən 4 nəfərə və postdakılara nəzər salır. Çünki yalnız postdakıları öldürdükdən sonra rahat hərəkət etmək olardı. Həmçinin eyvandakılar da onun diqqət mərkəzindən yayınmır. Rafiq işə ilk olaraq başlayaraq keşikçilərə nişan alır. Küləyin olmaması və adamların bir-birinə yaxın yerləşməsi onun işini asanlaşdırır. Əli snayperin tətiyində olan Rafiq ard-arda onlardan ikisini öldürməyə müvəffəq olsa da digərlərinin qarşısını ala bilməyir. Onlar gizlənərək meşəyə tərəf atəş açmağa başlayırlar. Çox çətin vəziyyətdə qalan snayperçi özünü toparlayıb müxtəlif stolların arxasında gizlənmiş ona doğru atəş açan 2 nəfərdən 1-ni baş, digərini sinəsindən vuraraq zərərsizləşdirir. Rafiq anlayır ki, bu güllədən sonra onun yerini müəyyən edəcəklər. Ona görə də silahın lüləsini yavaşca arxa tərəfə çəkib süründükdən sonra istiqaməti dəyişərək qaçır və beləcə onunçün əla vəziyyət yaranır. Artıq Rafiq onlarla qarşı-qarşıya deyil yan-yanadır. Lakin aralarında meşə olduğuna görə onlar Rafiqi görmürlər. Snayperçi bu vəziyyətdən istifadə edərək hasarın arxasından dəli kimi güllə atan 3 nəfərdən 2-nin gicgahından