hiss edir. Əvvəlcə buna ciddi əhəmiyyət verməsə də daha sonra qəfil narahat olmağa başlayır. Onun qəlbində böyük hərarət yaranır, sanki biz üstündə oturmuş kimi hiss edir özünü. Fəqət birdən iri bir əlin arxadan onun çiynindən tutduğunu hiss edincə bərk qorxur. Üzünü çevirib ona doğru baxdığında arxasıyca gələn həmin şəxsin 35-40 yaşlı ziddiyyətli simaya malik bir kişi olmasını görür. Və içindəki narahatlıq daha da qabararaq onun üzündə biruzə verməyə başlayır, ürək döyüntüləri daha da artır. Həmin şəxs isə üzündəki sərtliyi mehribanlıq ifadəsilə dəyişərək: "Atan səni görmək istəyir, balaca"- deyir. Rəşad bu vaxt: "Atam işdədir axı"- söyləyəndə o cavab verir: "Elə ona görə də səni atanın iş yerinə aparacayam". O: "Axı atam məni niyə çağırsın ki?"- deyərək sual verdiyi zaman həmin şəxs: "Ay uşaq, sən nə çox danışırsan. Nə deyirəm onu da elə də"- söyləyərək sanki bir əmr verir ona. Nədənsə o adamdan Rəşadın gözü heç su içmir. Lakin onun axırıncı sözlərindən sonra susur və həmin şəxs Rəşadın əlindən tutaraq "hunday" markalı maşına mindirir...
Oqtay: "Görəsən, bu Rəşad hardadı?" - deyərək çox böyük narahatlıq hissi keçirir, dostu və iş yoldaşı olan Teymur isə onu sakitləşdirməyə və hər nə olursa olsun soyuqqanlı olmağa səsləyirdi. Teymur yaxşı başa düşür ki, məhz onun qarşısını almaq məqsədilə dostunun oğlunu qaçırmışlar. Təcrübəli müstəntiq çıxılmaz vəziyyətdə qalmış, dostuna gələcək zəngi gözləyirdi. Oqtay 11 yaşlı oğlunun yolunu böyük intizarla gözləyir, məcburi olaraq hər bir təklifə razı olacağını dönə-dönə qeyd edir. Axı Rəşad onun aman-zaman bircə dənə balasıdır. Məlumat üçün deyim ki, Teymur Qəzənfər adlı bir mafiya atasının izinə düşmüşdür. Hansı ki bu şəxs Bakıda və ətraf rayonlarda yerləşən bütün qumarxanaların başıdır. Göründüyü kimi düşmən heç də zəif fiqura bənzəmir. Birdən Oqtayın telefonuna bir zəng gəlir. O telefonu cəld açır, zəngə cavab verərək: "Alo, kimdir"- deyə sual verir. Çünki zəng gizli nömrədən gəlmişdi. Həmin şəxs Oqtayın sualına cavab