o hər qapının ağzında 2 nəfər əlində avtomat kalaşnikov olan növbətçi görür. Şkafın arxasında cəld gizlənmiş və hər iki əlində silah olan Eldar fürsəti əldən verməyib qalxaraq 4 nəfəri sinəsindən vurur. Elə o biriləri aradan götürəcəkdi ki, əks tərəfdən qaçaraq gələn Ramil də 3-cü qapını mühafizə edən və ona tərəf fırlanan son 2 növbətçini qarnından, daha sonra yaxınlaşanda başlarından güllələyərək qətlə yetirir. Digər tərəfdə oxşar situasiya Hüseyn və Teymurun adaşının da başına gəldiyindən onlar məlumat məqsədilə Eldara xəbər verirlər. Cavid 2-ci mərtəbəyə dəhliz boyu ehtiyyatla irəliləyir. Birdən ayaq səsləri eşidir.
Məcbur olub dəhlizin sonundakı otağa doğru gedərək qapını cəld açır. O gözlərinə inanamayacağı mənzərə ilə qarşılaşır. Qapını açdığında onun qarşısına nəhəng qumarxana çıxır. İmarətin 1-ci, 2-ci və 3-cü mərtəbələrini əhatə edən geniş salonda olan bu qumarxananı hər mərtəbədən mühafizə olunur. Lakin göründüyü kimi, bu gün "iş" günü deyil. Bu nəhəng məkandan sağ çıxamayacağını anlayan Cavid tapançasını belinə qoyaraq yavaş-yavaş otaqdan çıxmağa başlayır. Birdən kimsə silahı onun kürəyinə dayayır."Sən kimsən?"- deyə sual verir. Bu anda tər basan Cavid dəhlizdəki dibçəklərə baxıb yeganə yolun yalan danışmaq olduğunu bilərək əlini yuxarıya qaldırıb:"Mən Telmanam. Bura 1-2 həftədir ki gəlirəm. Özüm də bağbanam, 2-ci mərtəbədə güllələri..."- cavab verir. "Nə güllələri?"- sözünü kəsərək o təəccüblə soruşur. Cavid çaşdığını anlayaraq səhvini düzəlmək məqsədilə: "Gülləri deyəcəkdim. Güllərə dərman verəcəm"- söyləyir. "Bəs dərmanın hanı? Rəhmətliyin oğlu, bu basabasda heç güllərin yeridir?! Ə bir də üstündə silah var sənin?"- o sual verir. Cavid onların gözlərinin içinə baxaraq:"Aşağıda atışmadı, silahı yerdən götürdüm ki, özümü qoruya bilim. Dərman da maşının içindədir. Mən güllərə baxmağa gəlmişəm, daha sonra onlara dərdinə uyğun dərman vuracam ki, solmasınlar"- deyir. "O zaman burda nə gəzirsən? Yeri işinin dalınca"- yüksək səslə deyirlər. O dəhlizdəki