i güllərə biraz baxdıqdan sonra aşağıya düşür. Beləliklə, Cavid böyük hiylə ilə təhlükədən qurtulur. Postakılar mövqelərini dəyişirlər, çünki başa düşürlər ki, arxadan snayperə açıq hədəfdilər. Elə bu vaxt onlardan 2-si Sadiqin, 1-i isə Teymurun güllələrinə tuş gələrək keçinirlər. Digərləri isə evin qarşısındakı heykəllərin arxasında gizlənərək Teymur və onun adamlarına tərəf atəş açırlar. Anar da eyvandakıları vurmaqla məşğuldur bu aralar. İmarətin arxasından fırlanan Firuz onun gəlişindən xəbəri belə olmayan heykəllərin arxasında gizlənmiş 7 adamdan 3-nü vurur. Qalan 4 nəfər arxaya doğru atəş açmağa cəhd edir, güllələr Firuzun başının üstündən keçir. Yeni güllələri silahına dolduran Teymur və Sadiq bundan istifadə edərək hasarın arxasından ayağa qalxıb bütün diqqəti Firuza cəmləmiş 4 adamdan 3-nü kürəyindən vuraraq öldürür, fırlanan 1 nəfəri isə Anar dalaqından, daha sonra Sadiq ürəyindən güllələyir. Teymur Anara İsmayılın yanında qalmağı tapşırır, çünki onun vəziyyəti çox ağırdır. Müstəntiq Firuza isə xüsusi işarə verir, o ilk olaraq hərəkətə keçir. Səsin səsə qarışdığı bir vaxtda evin qapısı açıq olduğundan Oqtay həyətdən 2 nəfərin gəldiyini görür. Lakin onların kim olduğunu bilməyən müstəntiq diqqətini həmin şəxslərə verdiyi üçün az qala Qəzənfərin adamlarının atdığı güllələrin qurbanı olacaqdı. Güllələr Oqtayın başının üstündən keçir, o yerə yıxılır. Eldar adamlarına həmin qapıları açmamağı tövsiyə edir, çünki məqsəd Oqtayla Rəşadı xilas etməkdir. Birdən Cavidin qarşısına dəhlizlə gələn 2 əli silahlı adam çıxır, o gözünü də qırpmadan 2-sini də bədənini güllələyir. Lakin arxadan gələn 3 adam onu çağırır, Cavidin ürək döyüntüləri artır. Hansı ki onlar Caviddən şübhələnərək arxasıyca gəlmiş və onun dəhlizdə adamları öldürdükdən sonra bağban olmadığını öyrənmişlər. Həmin adamlardan biri onun silahını alır, digəri qolunu burur, daha sonra əllərini bağlayırlar. "Səndə olan ağıl bizdə olsaydı Azərbaycan mafiyasının başçısı olardıq"- deyərək Cavidi ələ salırlar.