, əksinə əriyərək uşaqlıq dostu, qonşusu və iş yoldaşının gözlərinin içinə əzmlə baxaraq: "Mütləq"- deyir. Teymur da əlini onun çiyninə keçirərək oradan aparanda birdən 3 nəfər imarətin arxa həyətindən çıxaraq atəş açmağa başlayır. Müstəntiqlərə nişan alar-almaz hər ikisi müxtəlif istiqamətlərə atılaraq mövqe tutmağa başlayırlar. Açıq hədəf olan Oqtay qarşı tərəfin düz üstünə gedə-gedə qətiyyət və böyük inadla güllə atmağa başlayır. Bu sözün əsl mənasında ölümün gözünə dik baxmaq deməkdi. Arada çox böyük məsafə olduğuna görə burda yalnız dəqiqlik lazım idi. Teymur gizləndiyi kolun arxasından cəld şəkildə çıxıb Oqtayın arxasıyca gedərək amansız güllələr atmaqla davam edir. Onlar isə həyətdəki dəmir oturacaqların arxasında gizlənərək bosslarının intiqamını almaq fikrinə düşüblər. Oğlunun ölümünə görə artıq onu öz həyatı qətiyyən düşündürmür qətiyyən. İş o deyil ki, özünü öldürəsən və bu intihar sayılsın. Öləcəyini bilib ölümə getmək də intiharın bir növüdür. Qarşı tərəf özünü axmaq kimi güllə qabağına atan bu iki müstəntiqə doğru atəş açan zaman açıq hədəfə çevrildiyi üçün Teymur onlardan birini üzündən vursa da, onlar Oqtayı ayağından yaralayırlar. Bu güllə yarası az sıyırıcı olduğuna görə müstəntiq əyilməz şəkildə davam etməyinə mane olmayır. Üzündə bir az da olsun qorxu olmayan Oqtay onları öz sərt simasıyla təşvişə salır. Lakin Oqtay qarşı tərəfin atəş açan növbəti adamını düz ürəyinin başından vursa belə, Teymurun sonuncuya doğru qeyri-dəqiq atəş açması nəticəsində yağış kimi axan güllələrdən biri onun sol qolunu deşərək, böyrəyini isə siyirərək keçir. Teymurun yerə yıxılması Oqtayı daha da əsəbləşdirərək həmin adama doğru sarsılmaz atəşlər açmasına zəmin yaradır. Lakin daraqda güllənin qurtarması Oqtayı ölümə daha da yaxınlaşdırır. Əslində, əsla təəssüflənmir, əksinə ölməyi arzulayır. Teymur buradan sağ çıxmağın möcüzə olacağını bilirdi. Oqyat isə həyətdəki çevrilmiş stolun arxasında gizlənir, güllələr də onun başının üstündən növbəti dəfə keçir. Teymur bu