a tapşırırdı. Silvionun torpaqlara ayaq basması mafiya aləmində böyük müharibələrin başlanması deməkdir. Necə ki, 1988-ci ildə 1 gecədə eyni anda qitədəki vəziyyəti qarışdırmağa çalışan 16 amerikan, "qara aləmə" xəyanətdə ittiham edilən 8 türk və 3 serbiyalı baronu əlaqə qurduqları gizli mərkəzlərlə qarışıq havaya uçurmuşdu. Hələ üstəlik yapon mafiyasının baronunu etdiyi itaətsizliyə görə cəzalandırmışdı da. Nə qədər inanılmaz səslənsə də bütün bu hadisələr eyni anda olmuşdu. Təbii ki məhz bu şəxs 1970-1980-cı illər ərzində Avropada bir çox məkanları basmış, hələ gənc ikən Rusiyada istədiyi kimi at oynatmağı bacarmışdı. Özü də mafiyanın bütün dünyada öz sözünü dediyi vaxtda. Çünki Silvionun Avrasiyanın aparıcı ölkələrində gizli orduları və siyasi dəstəyi vardı. Hansı ki belə adamlara hər zaman "dövlətin" ehtiyacı var. Və indi də onlar keçmiş barona əvvəlki sədaqətlə xidmət eləməyə hazırdılar...
Aradan düz 11 ay keçir. Bütün bu hadisələr Rəşada fiziki deyil, daha çox psixoloji təsir etsə də valideynləri onu sağaltmağa nail olurlar. İsmayılın isə möcüzə nəticəsində sağalması uzun müddət ailə üzvləri və dostları tərəfindən daha çox arzulansa da böyük mübarizədən sonra o dünyasını dəyişir. Müstəntiq isə Cəfərin və digər adamlarının qatili olan meşəbəyinin izini isə hələ də tapa bilmir. Qarnından və çiynindən vurulan Hüseyn isə mədəsindən ciddi güllə yarası alsa da sağ qalaraq işinə davam edir. Oqtay və Teymur isə indi daha yaxşıdırlar. Onlar bu cinayətə görə 5 ay içəridə yatsalar da daha sonra gizli dövlət elçisinin köməyilə onlara tutulan vəkilin sayəsində azadlığa çıxaraq bəraət qazanırlar. Teymur gizli dövlət agenti olduğundan bu dəfə elədiyi səhv çox böyük çətinliklə də olsa bağışlanır. Amma dövlət elçisi onu gizli bir yerə çağırıb yaxşı-yaxşı tənbeh eləyir bu arada: "Bax görürsən ki, bu dəfə böyük bəladan qurtuldun. Amma gələn dəfə sənə mən belə kömək edə bilməyəcəm. Həbsxanada olduğun müddətdə də sənin və adamlarının təhlükəsizliynii təmin eləmək üçün xüsusi