"cinayətkarlar" yerləşdirmişdim ora. Heç vaxt belə özbaşına hərəkət eləmə, müstəntiq. Adına o qədər maddə var idi ki, mən onları durub saymaqla belə bitməzdi. Təslim olmasaydın iş daha da böyüyəcəkdi. Bax elə ən birincisi harda görülüb ki, müstəntiq dövlət icazəsi olmadan məkana hücum eləsin, hə? Mənə bunu izah edə bilərsən"? Teymur isə onun bu hiddətinin qarşısında səssizcə dayanmışdı. O isə həmişəki sərtliklə davam elədi: "Əgər 2006-cı il əməliyyatı ilə dövlətə xeyir gətirməsəydin indi bütün elədiklərinə rəğmən dörd divar arasında çürüyəcəkdin, bunu bil. İndi isə get ağlını yığ başına". Bu sözlərdən sonra Teymur başını itaətvari tərpədərək onun işarəsi ilə otaqdan çıxır... Onu da qeyd edim ki, Teymurun gizli dövlət agenti olmasından Oqtay xəbərsizdir. Artq onlar hal-hazırda iş başındadırlar...
Rəsul - yəni, Teymurun oğlu artıq əsgərlikdən qayıtmışdır. Onun 20 yaşı və qara qaş-qara göz ağ bənizi var, habelə savadlı, güclü bir oğlandır. Teymur da Rəsulun atasıdır, onun düz 45 yaşı var. Rəsulun balaca qardaşı da var, onun da adı Rüstəmdir. Ailənin ən kiçik üzvü olan Rüstəmin 12 yaşı var. Rüstəm dəcəl və şirin uşaqdır. Rəsulun anasının adı Firəngizdir. Firəngizin 43 yaşı var və o, evdar qadındır. Firəngiz ailəsini çox sevən və ona bağlı olan sədaqətli bir insandır. Artıq Rəsul da həyata ilk addımlarını atır. Uğurlu imtahan verən Rəsul Moskva Dövlət Radiotexnika, Elektronika və Avtomatlaşdırma Texniki Universitetinə yüksək balla daxil olub. Hesablama maşınları və sistemləri fakultəsində oxuyacaq...
Saat 03:30... Zəngli saat çalır və Rəsul yuxudan ayılır. Cəld ayağa qalxır, axı bu gün onun ilk günüdür. O, əl-üzünü yuyur və qonaq otağına keçir. Anası Firəngiz isə artıq hər şeyi hazırlamışdı. Süfrədə bir-birindən gözəl ləziz təamlar var. Rəsul anasına: "Can anam, hamımızdan tez durmusan. Bu qədər əziyyət çəkmisən"- deyir. Anası oğluna: "O nə sözdür? Mənim canım da sənə qurban"- söyləyərək əzizləyir. Rəsulun atası və qardaşı isə hələ də yuxudadır. Çünki Teymurun son