r yerində gizli tunelə daxil edərək böyük nəzarətlə yerin altı ilə ünvana aparırlar.
Nəhayət, onlar uzun yol getdikdən sonra tuneldən ayrılıb imarətə çatırlar, Qəzənfərin adamları Oqtayın gözlərini və əllərini açırlar. O ətrafa diqqətlə göz gəzdirir, amma imarətin ətrafında meşəlikdən başqa heç nə görmür. Vəziyyət göründüyü kimi çox acınacaqlıdır. Oqtay ən çox onu fikirləşir ki, oğlunu buradan necə çıxarsın. Artıq imarətin geniş darvazaları onun üzünə açılır. Oqtayın sağında, solunda 1 nəfər və arxasında 2 nəfər "beretta" tipli silahla silahlanmış şəxslər onu müşayət edir. Hansı ki burda ani səhv hərəkətin cavabı ölümdür. Oqtay iri addımlarla imarətin geniş həyətindən keçərək binasına çatır. Bu vaxt qanı qaralan və maşını yüksək sürətlə idarə edən Teymura adamı olan Ramil siqnalın düzəldiyi barədə məlumat verir. Binanın qapısındakı mühafizəçi qapını Oqtayçün açır. Artıq o, imarətin içərisində təhlükənin düz mərkəzindədir. Qəzənfər bu üçmərtəbəli binanın 2-ci mərtəbəsindən pilləkan vasitəsilə düşərək Oqtaya tərəf qətiyyətli addımlarla gəlir. Qərəz, ona çatanda gülə-gülə: "Axır ki səni də, Teymuru da əhilləşdirdim"- deyərək onu alçaltmaq məqsədilə xımır-xımır əl çalmağa başlayır. Adamlarına işarə verdikdən sonra onlar geniş salonu tərk edirlər. Oqtay özünü kifayət qədər soyuqqanlı aparır, başında buradan çıxmaq üçün bir plan cızır. Hər ikisi diqqəti çəkmədən bir-birinin silahına nəzər salır. "Oğlumu mənə qaytar, sənlə hər cür iş təklifinə razıyam"- Oqtay söyləyir. Qəzənfər: "Yaxşı. Sənə niyə inanmalıyam?"- sual verir. Oqtay cavab olaraq deyir: "Çünki burada söhbət mənim oğlumun həyatından gedir". "Demək ağıllanmısan. Onun oğlunu gətirin bura"- Qəzənfər əmr edir. İki nəfər Oqtayın oğlu Rəşadı götürməyə gedir. O isə soyuq yerdə yatır, çünki onun olduğu otaqda yatmağa çarpayı belə yoxdu (Belə ki, onlar uşağı 1 otaqda gün boyu ancaq su və azca yemək verməklə saxlayırlar). Həmin iki nəfər soyuq yerdə yatmış Rəşadı ardıcıl olaraq ayaqla zəif zərbə endirməklə oyatmağa