Salam userler.Keçen defe hekayede bezi hisseler sehv gönderilmişdi.Ona göre hekayeni yeniden ve daha geniş formada paylaşırıq.

Müəllif: Elvin Babayev
Tarix: 11.09.2016.
Diqqət: Bu əsər kriminal-mafiya məzmunludur! Azyaşlıların və əsəbi zəif olanların oxuması məsləhətli deyildir! Bu əsər tamamilə gerçəklərdən uzaq olub müəllifin beyin məshuludur! 18+
1-ci hissə:
Bu həyat insanı diz üstə çökdürəndə onun ruhu ölər, sanki həyat qədəhində şərabı sona qədər bitərmiş kimi. Əgər istəyirsə ayağa qalxmaq və yenidən şərabı qədəhə doldurmaq - bunun üçün ikinci həyata başlamaq lazımdır. Mübarizə insanın yaşam tərzidir, o bilavasitə hər şeylə vuruşur. Bəzən qəhrəman sərkərdə olaraq, bəzən də ləyaqətsiz bir insan olaraq tərk edir bu fani dünyanı. Bunu unutma ki, ikinci həyatın başlaması hər şeyin dəyişəcəyinə, yaşadıqlarının alt-üst olacağına dəlalət verir. Heç vaxt qaranlığın içində işıq axtarma, o qaranlığa niyə düşdüyünü aydınlaşdır! Həyat da qumar oyunu kimi uduzmağı sevmir. Böyük oyunlar isə masa üzərində yazılır, torpaq üzərində planlaşdırılır, dünya üzərində aparılır. Və əgər böyük oyunun bir parçası olmaq istəmirsənsə əzmkar və ağıllı ol, bir kimsəyə ümid eləmə, həyata hökm etməyə çalış...
Bakıya ilin son fəslinin ilk qarı yağır, şəhərimiz qışın sehiri ilə donunu dəyişmək üzrədir. 11 yaşlı, saçı qəhvəyidən qaraya çalan, qalan dərisi sifətinə nisbətən tünd rəngli və çöhrəsi eynilə kürənlərin üzü kimi çiyilli, əynində isə qara gödəkçə olan Rəşad həmişəki kimi dərsdən evə qayıdırdı. Qışın soyuq havası və hey əsən acı küləyi qar dənəcəklərini o yan-bu yana qovur, onun kiçik əlləri və ağ bənizini soyuqdan qızartmışdı. O həm də az öncə - yəni, məktəbdən çıxanda uşaqlarla qartopu da oynamışdı axı... Məktəb ilə ev arasında da vur-tut düz 1 kilometrə yaxın yol var. Yavaş-yavaş belində çanta evə gedən Rəşad bu arada torpaqla qarışmış çox nazik qar qatının xışıldamasından da xüsusi ləzzət alırdı. O, məhəlləyə çatar-çatmaz sakit dalanda 1 nəfərin onun arxasıyca gəldiyini