sonra dodaqları yana doğru qıvrıldı. Bu, qorxunun verdiyi zorlayıcı gülüş idi.
Yanına əyləşdim. Məndən gələcək ani həmləyə hazırlıqlı olmaq üçün sıxdığı əzələlərinin xırıltısı buradan eşidilirdi.
"İclas necə keçdi?" - soruşdu Sənan stulda geriyə söykənərək.
"Əslində" - ağzımı büzdüm - "Sıxıcı".
"Həqiqətən, bəzi iclaslar çəkilməz olur" - üzündə yaranan məmnuniyyətsiz ifadədən onun da bu halı dəfələrlə yaşadığı hiss olunurdu.
"Onda, bu axşamkı yığıncağa gəlirsiniz". Əslində, bu bir sual deyil, sadəcə, təsdiq gözləyən bir cümləydi.
"Nə yığıncağı?" - soruşduq Nərminlə eyni anda. Bir yığıncağımız çatmırdı.
"Demək xəbəriniz yoxdu. Bu gün şirkətin iyirmi-beş illiyidi. Bu münasibətlə yığıncaq təşkil olunur" - bizə doğru əyildi - "Bar əyləncəsi demək daha düzgün olar" - sirr verirmiş kimi fısıldadı. Bu aralar nəinki bar əyləncəsi, hətta telefonla belə musiqi dinləyəcək vəziyyətdə deyildim. Tək istəyim yumşaq yastığıma ən qısa zamanda qovuşmaqdı.
"Əylənəcək vəziyyətdə deyiləm. İnan ki, mən orda olsam, bar əyləncəniz yas mərasimini andıracaq". Sənanın təəssüf dolu baxışları diqqətimdən yayınmadı. Hələ Nərminin yerindən çıxmaqda olan göz bəbəklərini demirəm.
"Bütün cavan işçilər orada olacaq" - Sənan israrla əlavə etdi. Söylədikləri ilə Ayazın orda olma ehtimalı beynimə dolarkən ürək döyüntülərimin ritminin pozulmasına əngəl ola bilmedim.
Qərarsızlıqla gözlərimi Nərminə çevirdim. Elə istəklə baxırdı ki, necə yox deyə bilərdim axı...
"Orada olacıq" - deməyimlə ikisinin də aldığı sima görülməyə dəyərdi.
* * *
Aynada əksimə baxırdım. Əynimdə yeganə diqqət çəkici yer olan sinə dekolteli, uzun, bədənimə tam oturmuş şərab rəngli don var idi. Yumşaq dalğalı saçlarımı sol çiynim üzərinə atmışdım.
"Susi, çox gözəl olmusan". Nərminin heyranlıq dolu səsinə qarşı gözlərimi aynadakı əksimdən ayırıb ona çevirdim. Badımcan rəngli kiçik paltarı ilə olduqca çəkici görünürdü.
"Səndə, gözəlim". Ətrafında dönməyə başladı.
"Oğlanlar səndən gözlərini ayıra bilməyəcəklər. Əsasəndə